ကရင်နီ(ကယား)ပြည်နယ်တွင် ကရင်နီလက်နက်ကိုင်တပ်များနှင့် စစ်ကောင်စီတပ်တို့ ယနေ့(အောက်တိုဘာ ၁၄)တွင် တိုက်ပွဲသုံးကြိမ်ဖြစ်ပွားခဲ့ကြောင်း ကရင်နီအမျိုးသားကာကွယ်ရေးတပ်ဖွဲ့(KNDF)က ထုတ်ပြန် သည်။
ယနေ့ နံနက် ၈နာရီခွဲခန့်တွင် (၆)မိုင်၊ဘက်သလင်နှင့် ဝမ်လထွား ကျေးရွာဘက်သို့ စစ်ကြောင်းထိုးလာသော အကြမ်းဖက်စစ်ကောင်စီတပ်များကို KNDFမှ မိုင်းဆွဲ တိုက်ခိုက်ခဲ့ရာ စစ်ကောင်စီတပ်ဖက်မှ သုံးဦးသေဆုံးခဲ့ပြီး လေးဦးထက်မနည်း ထိခိုက်ဒဏ်ရာရခဲ့သည်ဟု ဖော်ပြသည်။
နေ့လည်ပိုင်းတွင် ထိတွေ့တိုက်ပွဲ ထပ်မံဖြစ်ပွားပြီး အကြမ်းဖက်စစ်ကောင်စီ တပ်ဖက်မှ လက်နက် ကြီးများဖြင့် ပစ်ခတ်ခြင်း၊ နေအိမ်များကို မီးရှို့ခြင်းများပြုလုပ်ခဲ့သည်ဟု KNDFက ထုတ်ပြန်သည်။
ဖားဆောင်မြို့နယ်၊ နန်းမကုနှင့် ပန်ပုကျေးရွာ အကြားတွင်လည်း ညနေ ၄နာရီခန့်က စစ်ကောင်စီတပ်နှင့် ကရင်နီတပ်မတော် (KA)တို့တိုက်ပွဲဖြစ်ပွားခဲ့ကြောင်း KNDFက ထုတ်ပြန်သည်။ တိုက်ပွဲအတွင်း ထိခိုက်မှုအခြေအနေများကိုမှု အတည်ပြုနိုင်ခြင်းမရှိသေးဟုဆိုသည်။
Public Service Announcement
ထို့အပြင်မွန်းလွဲ ၃နာရီခွဲခန့်တွင် စစ်ကောင်စီတပ်သည် စစ်ယာဉ်တန်းများဖြင့် ဒီးမော့ဆိုမှ လွိုင်ကော်မြို့သို့ချီတက်ခဲ့ရာလမ်းကြောင်းလုံခြုံရေးအဖြစ် တင့်ကားများကို အသုံးပြုခဲ့သည်ဟု ဖော်ပြထားသည်။
