KIA က မူဆယ်ရှိ စစ်​ကောင်စီတပ်​စခန်း​တွေကို တိုက်ခိုက်

KIA တပ်မဟာ ၄ ၊ အမှတ် ၃၉ တပ်ရင်းနဲ့ အမှတ် ၈ တပ်ရင်းတပ်ဖွဲ့​တွေက မူဆယ်မြို့ မန်ဝင်း ၊ ကွတ်ခိုင် ၊ ကာဝန်း နေရာ​တွေမှာ တပ်စွဲထားတဲ့ စစ်​ကောင်စီတပ်စခန်း​တွေကို ဝင်‌ရောက်တိုက်ခိုက်ခဲ့တာလို့ ၎င်းက​ပြောပါတယ်။

အဆိုပါတိုက်ခိုက်မှုမှာ ​မြောက်ပိုင်း မဟာမိတ်ပူး​ပေါင်းအဖွဲ့​တွေပါ ပါတယ်လို့ ​ဒေသခံ​တွေက ဆိုပါတယ်။စစ်​ကောင်စီတပ်ဖွဲ့ဝင်​တွေက အတိုက်ခံရပြီးတဲ့​နောက် လက်နက်ကြီး​တွေနဲ့ ပြည်သူလူထုရှိရာ ​နေရာ​တွေပါမ​ရှောင်ပစ်ခန်​နေတယ်လို့ KIA ကအရာရှိက ဆိုပါတယ် ။

KIA က အာဏာသိမ်းစစ်​ကောင်စီတပ်​တွေကို ကချင်ပြည်နယ် ၊ ရှမ်းပြည်နယ် နဲ့စစ်ကိုင်းတိုင်းတို့မှာပါ တိုက်ခိုက်လျှက်ရှိပါတယ်။ ​မေ ၂၂ ရက် မနက်အ​စောကလည်း စစ်ကိုင်းတိုင်းရှိ ခန္တီးရတနာနယ်​မြေ ၊ နန်စီပွန် မှာရှိတဲ့ စစ်​ကောင်စီတပ်စခန်းနဲ့ ဦးပိုင် ကုမ္ပဏီရုံး​တွေကို တိုက်ခိုက်ခဲ့ပါတယ်။

အဲ့လို တိုက်ခိုက် ပြီးစစ်​ရေးဗျူဟာအရ စစ်​ကောင်စီတပ်စခန်းကို မရယူ​ဘဲမီးရှိုဖျက်ဆီးခဲ့ပါတယ်။ ဒါ့အပြင် စစ်​ကောင်စီတပ်ဖွဲ့မှ ဒုရဲအုပ် ၊ ဒုရဲအုပ် အမျိုးသမီး အပါအဝင် ၉ ဦးကိုဖမ်းဆီးခဲ့ပါတယ်။ ​

မေ ၂၂ ရက် ည၉ နာရီမှာလည်း KIA တပ်မဟာ ၄ ၊ တပ်ရင်း ၃၉ မှ တပ်ဖွဲ့​တွေက ကွတ်ခိုင်မြို့နယ် ၊ ကာလိုင်​ကျေးရွာမှာ တပ်စွဲထားတဲ့စစ်​ကောင်စီတပ်​တွေကိုတိုက်ခိုက်သိမ်းပိုက်ခဲ့ပါတယ်။ စစ်ဆကာင်စီတပ်ဖွဲ့ဝင်​တွေ ​သေဆုံး၊ ဒဏ်ရာရရှိမှုများခဲ့တယ်လို့ KIA ကအရာရှိတစ်ဦးက​ပြောပါတယ်။

Public Service Announcement