စစ်ကောင်စီက ကိုဗစ်ကို နိုင်ငံရေးအမြတ်ထုတ်ပြီးစစ်အာဏာရှင်ဆန့်ကျင်ရေး အင်အားချိနဲ့အောင်လုပ်နေဟု NUG ထုတ်ပြန်

အာဏာသိမ်းစစ်ကောင်စီအနေဖြင့် နိုင်ငံရေးစိတ် စေတ နာကင်းမဲ့ပြီး ကိုဗစ်တတိယလှိုင်းကို နိုင်ငံရေးအရ အမြတ်ထုတ်ကာ ပြည်သူတို့၏စစ်အာဏာရှင်ဆန့်ကျင်ရေးလုပ်ငန်းများကို အင်အားချိနဲ့သွားအောင် လုပ်ဆောင်နေသည်ဟု အမျိုးသားညီညွတ်ရေးအစိုးရ(NUG) လူ့အခွင့်အရေးဆိုင်ရာဝန်ကြီးဌာနက ယနေ့ ထုတ်ပြန် သည်။

စစ်ကောင်စီအနေဖြင့် ၎င်းတို့ကို ဆန့်ကျင်သည့် ပြည်သူ လူထုကို ပြန်လက်စားချေသည့်သဘောမျိုးဖြစ် နေသည်ဟု ထုတ်ပြန်ချက်၌ ပါရှိသည်။

ကိုဗစ်ကပ်ရောဂါနှင့်ပတ်သက်ပြီး ကာကွယ်ပေးရမည့်အရာများကို မထောက်ပံ့ခြင်းအားဖြင့် လူထုအကြား စိုးရိမ်ပူပန်ခြင်းများ တမင်ဖန်တီးပေးလျက်ရှိကြောင်း၊ ထိုသို့လုပ်ဆောင်ခြင်းသည် ပြည်သူ့ကျန်းမာရေးအခြေအနေကို ထိခိုက်စေရုံမျှမက ကျန်းမာရေးဆိုင်ရာ အခွင့်အရေးများကို ပြောင်ပြောင်တင်းတင်းချိုးဖောက်နေမှုများဖြစ်ကြောင်း လူ့အခွင့်အရေးဆိုင်ရာ ဝန်ကြီးဌာနက ဆိုသည်။

မြန်မာပြည်သူတစ်ရပ်လုံးအပေါ်သက်ရောက်စေသည့် လူသားမျိုးနွယ်တစ်ခုလုံးအပေါ် ကျူးလွန်သည့် ရာဇ ဝတ်မှုကို စစ်ကောင်စီက နောက်ထပ်ကျူးလွန်ခြင်းပင်ဖြစ်ကြောင်း ဖော်ပြထားသည်။

Public Service Announcement

ထို့ကြောင့်အာဏာသိမ်းစစ်ကောင်စီအနေဖြင့် ကျန်းမာ ရေးဆိုင်ရာ ကူညီလုပ်ဆောင်ပေးနေသောအဖွဲ့များအပေါ် နှောက်ယှက်ဟန့်တားနေမှုများကို ချက်ချင်းရပ်တန့်ပြီး လိုအပ်သော ဒေသများနှင့် ပြည်သူများထံ ကျန်းမာရေးအကူအညီများ ရောက်ရှိစေရန်အတွက် ထောက်ပံ့မှု လမ်းကြောင်းများကို ဖွင့်ထားပေးရန် ပြင်းထန်စွာ သတိ ပေးလိုက်သည်ဟု NUGလူ့အခွင့်အရေးဆိုင်ရာ ဝန်ကြီး ဌာန က ထုတ်ပြန်သည်။

လက်ရှိကပ်ရောဂါကာလတွင် မြန်မာနိုင်ငံ၌ပြည်သူများအား ကာကွယ်ပေးခြင်းထက် စစ်တပ်နှင့်၎င်းတို့၏ မိသားစုဝင်များက ပိုမိုအခွင့်ထူးရရှိနေကြောင်း ထုတ်ပြန်ချက်၌ ဖော်ပြသည်။

ကာကွယ်ဆေးကို အထူးလိုအပ်သူများအား ဦးစားပေးပြီး စနစ်တကျ ထိုးနှံရမည့်အစား စစ်တပ်အသိုင်းအ၀ိုင်းကို ဦးစားပေးခြင်းနှင့် ကုသာရေးစင်တာများ၊ အောက်ဆီဂျင်များ အပါအဝင် လိုအပ်သည့် ကျန်းမာရေးဆိုင်ရာ ပစ္စည်းများကို စစ်တပ်အတွက် သိမ်းဆည်းထားခြင်းတို့သည် လူတိုင်း ကျန်းမာရေးအခွင့်အရေးများကို တန်းတူရရှိပိုင်ခွင့်ကို ချိုးဖောက် ခြင်းဖြစ်သည်ဟုလည်း လူ့အခွင့်အရေးဆိုင်ရာ ဝန်ကြီးဌာနက ထုတ်ပြန်ခဲ့သည်။