Connect with us

Hi, what are you looking for?

LuduNwayOo

News

ဒီမိုကရေစီလမ်းကြောင်းပေါ်ပြန်သွားရေး အာဆီယံအထူးကိုယ်စားလှယ်ကို ကူညီဖို့အသင့်ရှိတယ်လို့ အီးယူထုတ်ပြန်

အထူးကိုယ်စားလှယ်ဟာ မြန်မာ့အကျပ်အတည်းကို ငြိမ်းချမ်းစွာဖြေရှင်းဖို့ CRPH၊ NUG ၊ တိုင်းရင်းသားအဖွဲ့များ၊ အခြား ဒီမိုကရေစီလိုလားတဲ့အင်အားစုတွေနဲ့ အကျိုးရှိတဲ့ နိုင်ငံရေးဆွေးနွေးမှုလုပ်ဆောင်ရမယ်လို့ အီးယူက တိုက်တွန်းပါတယ်။

ဒီမိုကရေစီလမ်းကြောင်းပေါ် ပြန်သွားရေး အာဆီယံရဲ့ အထူးကိုယ်စားလှယ်ကို ကူညီဖို့အသင့်ရှိပြီး မြန်မာပြည်သူတွေနဲ့အတူ ခိုင်မာစွာရပ်တည်တယ်လို့ ဥရောပသမဂ္ဂက ဒီနေ့ ထုတ်ပြန်ပါတယ်။

အာဆီယံက ခန့်အပ်လိုက်တဲ့ အထူးကိုယ်စားလှယ်ကို အီးယူက ကြိုဆိုပြီး ဧပြီက အာဆီယံခေါင်းဆောင်တွေ သဘောတူခဲ့တဲ့ ဆုံးဖြတ်ချက် ငါးရပ်ကို မြန်ဆန်စွာ အကောင်အထည်ဖို့ တစ်ဆက်တည်း တိုက်တွန်းထားပါတယ်။

အထူးကိုယ်စားလှယ်ဟာ မြန်မာ့အကျပ်အတည်းကို ငြိမ်းချမ်းစွာဖြေရှင်းဖို့ CRPH၊ NUG ၊ တိုင်းရင်းသားအဖွဲ့များ၊ အခြား ဒီမိုကရေစီလိုလားတဲ့အင်အားစုတွေနဲ့ အကျိုးရှိတဲ့ နိုင်ငံရေးဆွေးနွေးမှုလုပ်ဆောင်ရမယ်လို့ အီးယူက တိုက်တွန်းပါတယ်။

ဒါ့အပြင် အာဏာသိမ်းမှုနဲ့ဆက်နွှယ်ပြီး ဖမ်းဆီးထိန်း သိမ်းထားသူတွေကို ပြန်လွှတ်ပေးဖို့နဲ့ နိုင်ငံတစ်ဝန်း အကြမ်းဖက်မှုတွေ အဆုံးသတ်ဖို့ စစ်တပ်အာဏာပိုင်တွေကို အီးယူက တောင်းဆိုပါတယ်။

နောက်ပြီး လူသားချင်းစာနာမှုအကူအညီဟာ အရေးပေါ်လိုအပ်နေပြီး နေရပ်စွန့်ခွာသူတွေ၊ ဒုက္ခသည်အားလုံးဆီကို နှောင့်နှေးခြင်းမရှိဘဲ အမြန်ဆုံးပေးအပ်နိုင်ရမယ်လို့ စစ်တပ်အာဏာပိုင်တွေကို အီးယူ ပြောပါတယ်။

အီးယူဟာ လူသားချင်းစာနာမှုဆိုင်ရာ အကျပ်အတည်းနဲ့ ကိုဗစ်-၁၉ ကပ်ရောဂါ ကိုင်တွယ်ဖြေရှင်းရေး လိုအပ်တဲ့ အကူအညီတွေပေးဖို့ အသင့်ရှိနေတယ်လို့ ဆိုပါတယ်။

You May Also Like

သတင်း

သူက နိုင်ငံတကာ အသိုက်အဝန်း အနေနဲ့ မြန်မာနိုင်ငံ အကျပ်အတည်းကို ကူညီ ဖြေရှင်းပေးဖို့အတွက် အဓိက အချက် ၃ ခုကို အားထည့် လုပ်ဆောင်သင့်တယ်လို့ ဇန်နဝါရီ ၃၁ ရက်မှာ ထုတ်ပြန်ပါတယ်။

သတင်း

မြန်မာနိုင်ငံ ဒီမိုကရေစီ လမ်းကြောင်းပေါ် ပြန်လည်ရောက်ရှိစေရန်နှင့် မြန်မာပြည်သူများ အားလုံးပါဝင်သည့် ဒီမိုက‌ရက်တစ် အနာဂတ်ဆီသို့ ငြိမ်းချမ်းစွာ ကြိုးစားဆောင်ရွက်ကြသူများ အားလုံးအတွက် ဆက်လက်၍ ပြတ်သားစွာ ထောက်ခံပံ့ပိုးနေမည်ဟု ပူးတွဲကြေညာသည်။

သတင်း

အိန္ဒိယ၏ ဒီမိုကရေစီမီးရှုးတန်ဆောင်သည် စစ်အာဏာရှင် စနစ်ချုပ်ငြိမ်းရေးအတွက် တိုက်ပွဲဝင်နေကြသည့် မြန်မာပြည်သူများအပေါ်တွင်လည်း ထွန်းလင်းနိုင်ပါစေကြောင်း NUG နိုင်ငံခြားရေးဝန်ကြီး ဒေါ်ဇင်မာအောင်က ဆုမွန်ကောင်းတောင်း သည်။

သတင်း

အာဆီယံတွင် အင်ဒိုနီးရှားနိုင်ငံ၏ ခေါင်းဆောင်မှု စတင်သည့်အချိန်သည် မြန်မာနိုင်ငံအရေးနှင့် စပ်လျဉ်းပြီး လူထု၏သဘောထား တဟုန်ထိုးမြင့်တက်နေသည့်ကာလ ဖြစ်သည့်အပြင် မြန်မာနိုင်ငံအတွက် အရေးပါသော အခိုက်အတန့်နှင့်လည်း ကိုက်ညီနေကြောင်း NUG က ဆိုသည်။