မြန်မာနိုင်ငံမှာ လူ့အခွင့်အရေးနဲ့ အခြေခံအကျဆုံးလွတ်လပ်ခွင့်တွေကို လေးစားတန်ဖိုးထားဖို့တောင်းဆိုနေကြသူတွေကို အမေရိကန်ကဆက်လက်ထောက်ခံအားပေးနေတယ်လို့ နိုင်ငံခြား ရေးဝန်ကြီး ဘလင်ကင်က မနေ့က ထုတ်ဖော်ပြောဆိုပါတယ်။
ရှစ်လေးလုံး ဒီမိုကရေစီအရေးတော်ပုံကြီး ၃၃ နှစ်ပြည့် နှစ်ပတ်လည်နေ့မှာ ဒီမိုကရေစီနဲ့ ငြိမ်းချမ်းရေးအတွက် ဆယ်စုနှစ်များစွာကြာအောင် ရုန်းကန်လှုပ်ရှားနေကြရတဲ့ မြန်မာပြည်သူလူထုကို အမှတ်ရဂုဏ်ပြုတယ်လို့လည်း အန်တိုနီယိုဘလင်ကင်က တွစ်တာမှာရေးသားဖော်ပြပါတယ်။
ရှစ်လေးလုံးအရေးတော်ပုံကြီးနဲ့ပတ်သက်လို့ ဗြိတိန်အပါအဝင် အနောက်နိုင်ငံအချို့ကလည်း မြန်မာပြည်သူ လူထုကို ချီးကျူးဂုဏ်ပြုခဲ့ပါတယ်။
ဗြိတိန်ဟာ အာဏာသိမ်းမှုနဲ့ အပြစ်မဲ့အရပ်သားအပေါ် အကြမ်းဖက်မှုကို တစိုက်တမတ်ဆန့်ကျင်ပြီး မြန်မာ နိုင်ငံမှာ ဒီမိုကရေစီစနစ် ပြန်လည်ဖော်ဆောင်ပေးရမယ်လို့ မြန်မာနိုင်ငံဆိုင်ရာ ဗြိတိန်သံအမတ်ကြီးက တိုက်တွန်းထားပါတယ်။
Public Service Announcement
