နယူးယောက်ရှိ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်ရုံးရဲ့ တရားဝင်ဝဘ်ဆိုက်ကို ဖွင့်လှစ်လိုက်တယ်လို့ အမျိုးသားညီညွတ်ရေးအစိုးရ(NUG)က ကြေညာပါတယ်။
လက်ရှိ ကုလသမဂ္ဂဌာနချုပ် နယူးယောက်မှာ မြန်မာပြည်သူလူထုနဲ့ NUG ကို ကိုယ်စားပြုတဲ့ သံအမတ်ကြီး ဦးကျော်မိုးထွန်းက ရုံးထိုင်နေပြီး သူ့ကိုပဲကုလသမဂ္ဂက အခုထိ အသိအမှတ်ပြုလက်ခံထားပါတယ်။
အခုဖွင့်လှစ်လိုက်တဲ့ ဝဘ်ဆိုက်(https://www.myanmarmissionnewyork.org/) မှာ ကုလသမဂ္ဂဆိုင်ရာ မြန်မာ အမြဲတမ်းကိုယ်စားလှယ် အဖွဲ့ရုံးရဲ့ ဆောင်ရွက်နေမှုများ၊ သံအမတ်ကြီး ဦးကျော်မိုးထွန်းရဲ့လှုပ်ရှားဆောင်ရွက်ချက်များကို ထုတ်လွှင့်တင်ဆက်သွားမယ်လို့ NUG နိုင်ငံခြားရေးဝန်ကြီးဌာနက ထုတ်ပြန်ပါတယ်။
