နွေဦးထီကို တစ်စောင်လျှင် ၂၀၀၀ ကျပ်နှုန်းနဲ့ အနည်းဆုံး ၅ စောင်ကနေ စောင်ရေ ၅၀ အထိ အားပေးဝယ်ယူနိုင် ပြီး ထီရောင်းချရငွေ စုစုပေါင်းရဲ့ ၇၀ ရာခိုင်နှုန်းကို နိုင်ငံ့ဝန်ထမ်း CDM တွေအတွက် သုံးစွဲမှာဖြစ်ပြီး ၃၀ ရာခိုင်နှုန်း ကို ဆုမဲအဖြစ် ပြန်လည်ပေးအပ်သွားမှာဖြစ်တယ်လို့ NUG ရဲ့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်းနိုင်က ပြောပါတယ်။
“တကယ်တော့ နွေဦးထီထိုးတယ်ဆိုတာ တစ်ဦးချင်း၊ တစ်ယောက်ချင်း အသံတိတ်တော်လှန်ရေးကို ဆင်နွှဲနေတာပါပဲ။ ပြောရရင် အာဏာရှင်မောင်းထုတ်တဲ့ သံပုံတီးကမ်ပိန်းလောက် မစွန့်စားရပါဘူး။ နေ့စဉ် ရက်ဆက်လမ်းပေါ် ထွက်ပြီး ရဲဝင့်စွာ ဆန္ဒပြနေသူတွေနဲ့ ယှဉ်ရင် ပိုလို့တောင် မပြောပလောက်ပါဘူး” လို့ ပြည်ထောင်စုဝန်ကြီးက ဆို ပါတယ်။
နည်းပညာနဲ့ ထီထိုးသူတွေရဲ့ လုံခြုံရေးကို အပြည့်အ၀ကာကွယ်ပေးထားတာကြောင့် ထီထိုးသူ ကာယကံရှင်က ထုတ်မပြောရင် ဘယ်သူမှမသိနိုင်တာကြောင့် အကြမ်းဖက်စစ်တပ်ရဲ့ခြိမ်းခြောက်မှုတွေကို စိုးရိမ်စရာမရှိပါဘူးလို့ NUG က အာမခံပါတယ်။
‘အောင်လံလွှင့်ချီနွေဦးထီ’ဟာ တော်လှန်ရေးအတွက် တစ်သောင်းကျပ်အနည်းဆုံး လှူဒါန်းနေသူတွေကို ဦးတည် လုပ်ဆောင်တာဖြစ်ပြီး အမြင့်ဆုံးဆုငွေ ၁၅ သိန်းကျပ်ကို ထုတ်ယူသည်ဖြစ်စေ၊ NUG ကို ပြန်လည်လှူဒါန်းသည် ဖြစ်စေ ရွေးချယ်နိုင်တယ်လို့ ဆိုပါတယ်။
Public Service Announcement
နွေဦးထီဟာ စစ်အာဏာရှင်ပြုတ်ကျရေးအတွက် အရေးပါတဲ့တော်လှန်ရေးထီဖြစ်တာကြောင့် ပြည်သူတစ်ဦးချင်း၊ တစ်ယောက်ချင်းက အသံတိတ်ဆင်နွှဲပေးကြဖို့ ဦးတင်ထွန်းနိုင်က တိုက်တွန်းပါတယ်။
“အောင်ပွဲက လက်တကမ်းရောက်နေပါပြီ” လို့ ပြည်သူ လူထုကို အသိပေးထားပါတယ်။
