Connect with us

Hi, what are you looking for?

LuduNwayOo

News

NUG မှ ရောင်းချသည့် အောင်လံလွှင့်ချီနွေဦးထီ ဝယ်သူများ၍ ​ရောင်းမ​လောက်

နွေဦးထီကို နောက်ရက်များတွင် ဆက်လက်ထိုးခွင့်ရရန် စောင့်ဆိုင်းအားပေးမည်ဖြစ်ပြီး ထီပေါက်လိုသည်ထက် NUG အစိုးရကို ထောက်ခံလှူဒါန်းလိုသည့်အတွက် ထိုးခြင်းဖြစ်ကြောင်း ပြည်သူအများစုက ဆိုသည်။

အမျိုးသားညီညွတ်ရေးအစိုးရ (NUG) မှ အွန်လိုင်းမှတစ်ဆင့် တရားဝင်ရောင်းချသည့် အောင်လံလွှင့်ချီ နွေဦးထီသည် ယနေ့ ညနေ ၄ နာရီတွင် စတင်ရောင်းချခဲ့သော်လည်း ဝယ်သူများလွန်း၍တစ်နာရီအကြာ ၅ နာရီတွင် ထီလက်မှတ်ကုန်ဆုံးခဲ့ကြောင်း ဖော်ပြခဲ့သည်။

“နွေဦးထီကို ပထမ မနက် ၁၀ နာရီမှာ ရောင်းမယ် ဆိုလို့ စောင့်နေတာပါ။ ဒါပေမယ့် နည်းပညာအခက်အခဲကြောင့် ညနေ ၄ နာရီမှ ရောင်းမယ် ဆိုလို့ ညနေမှပဲ ထိုးတော့မယ် လုပ်ထားတာပါ။ ၄ နာရီခွဲကျော်မှာ ဝင်ထိုးဖို့ အဆင့်ဆင့် ဝင်တော့ လူအရမ်းများလို့ ထင်တယ်။ အရမ်းကြာနေတယ်။ ၅ နာရီလောက်မှ နောက်တစ်ခါထပ်ဝင်ကြည့်တော့ ကုန်သွားပြီတဲ့ msg ပဲ ပြန်လာပါတယ်။ ရောင်းတာ တစ်နာရီလောက်ပဲ ကြာတယ် ပြည်သူတွေ အရမ်းအားပေးတော့ ကုန်သွားတာ ဖြစ်မယ် ” ဟု ပြည်သူတစ်ဦးက ပြောသည်။

သို့သော် အဆိုပါ နွေဦးထိကို နောက်ရက်များတွင် ဆက် လက်ထိုးခွင့်ရရန် စောင့်ဆိုင်းအားပေးမည် ဖြစ်ပြီး ထီပေါက်လိုသည်ထက် NUG ကို ထောက်ခံလှူဒါန်းလိုသည့်အတွက် ထိုးခြင်း ဖြစ်ကြောင်း ပြည်သူများက ဆိုသည်။

“ချစ်ခင်လေးစားရပါသော မိဘ ပြည်သူများ အနေနဲ့ “အောင်လံလွှင့်ချီ နွေဦးထီ” ကို အားတက်သရော စတင် ဝယ်ယူကံစမ်းကြသည့်အတွက် အထူးပင် ဝမ်းမြောက်ဂုဏ်ယူမိပါတယ်။စတင်ရောင်းချသည့်အချိန်မှ စ၍ တစ်နာရီအတွင်း သတ်မှတ်အစောင်ရေ ပြည့်သွားတဲ့အတွက် ယနေ့အတွက် ထီရောင်းချခြင်းအား ရပ်နားလိုက်ရသည်ကို နားလည်ခွင့်လွှတ်ပေးကြစေလိုပါတယ်။ ကျွန်ုပ်တို့၏ နွေဦးထီသည် စစ်အာဏာရှင်ပြုတ်မကျမချင်း နေ့စဉ်ရက်ဆက် ရောင်းချသွားမှာဖြစ်တဲ့အတွက် ဒီကနေ့ ထိုးချင်သော်လည်း မထိုးလိုက်ရသူများအနေဖြင့် နောက်ရက်များမှာ ဆက်လက်အားပေးသွားနိုင်မှာပဲ ဖြစ်ပါတယ်။နောက်ရက်များတွင် သတ်မှတ်အစောင်ရေအား အစွမ်းကုန် တိုးမြှင့်လက်ခံနိုင်အောင် ကြိုးစားဆောင်ရွက် သွားမှာဖြစ်ပြီး နည်းပညာပိုင်းဆိုင်ရာအဆင့်မြှင့်တင်ခြင်းအားလည်း တပြိုင်နက်ဆောင်ရွက်လျှက်ရှိပါသည်။” ဟု ​အောင်လံလွှင့်ချီ ​နွေဦးထီ​ဖေစ်ဘွခ်စာမျက်နှာတွင် ​ဖော်ပြထာသည်။

ဆက်လက်၍လည်း”နွေဦးတော်လှန်ရေးအောင်စိတ်ဖြင့် တခဲနက် အားပေးကြသော မိဘပြည်သူများအနေနဲ့လည်း ဩဂုတ်လ (၁၅) ရက်နေ့ မတိုင်မီက “ အောင်လံလွှင့်ချီ နွေဦးထီ “ Chatbot မှာ စမ်းသပ်ထိုးနှံဝယ်ယူမှုပြုထားတဲ့ စာအသွားအလာများကို ကျေးဇူးပြုပြီး ရှင်းလင်းဖျက်ပစ်ပြီးကြဖို့ကိုလည်း မေတ္တာရပ်ခံတိုက်တွန်းလိုပါတယ်။ သို့မှသာ ထီလက်မှတ်များကို ဆက်လက်အားပေး ဝယ်ယူနိုင်မှာ ဖြစ်ပါတယ်။မိဘပြည်သူများ၏ သတင်းအချက်အလက်ဆိုင်ရာ လုံခြုံရေးသည် အဓိကဦးစားပေးဖြစ်သည့်အတွက် လတ်တလော ကြုံတွေ့ရသည့် ဝန်ဆောင်မှုလိုအပ်ချက်များနှင့် နည်းပညာပိုင်းဆိုင်ရာ အတားအဆီးများကို နားလည်ကျော်လွှား ပူးပေါင်းပေးကြသည့်အတွက် အထူးပင် လေးစားဦးညွတ်ပါတယ်” ဟု ပါရှိသည်။

“နွေဦးထီကို ပထမ မနက်၁၀ နာရီမှာ ရောင်းမယ်ဆိုလို့ စောင့်နေတာပါ။ ဒါပေမယ့် နည်းပညာအခက်အခဲကြောင့် ညနေ ၄ နာရီမှ ရောင်းမယ်ဆိုလို့ ညနေမှပဲ ထိုးတော့မယ် လုပ်ထားတာပါ။ ၄ နာရီခွဲကျော်မှာ ဝင်ထိုးဖို့ အဆင့်ဆင့် ဝင်တော့လူအရမ်းများလို့ ထင်တယ်။ အရမ်းကြာနေတယ်။ ၅ နာရီလောက်မှ နောက်တစ်ခါထပ်ဝင်ကြည့်တော့ ကုန်သွားပြီတဲ့ SMS ပဲ ပြန်လာပါတယ်။ ရောင်းတာ တစ်နာရီလောက်ပဲ ကြာတယ်။ ပြည်သူတွေ အရမ်းအားပေးတော့ ကုန်သွားတာဖြစ်မယ် ” ဟု ပြည်သူတစ်ဦးက ပြောသည်။

နွေဦးထီကို နောက်ရက်များတွင် ဆက်လက်ထိုးခွင့်ရရန် စောင့်ဆိုင်းအားပေးမည်ဖြစ်ပြီး ထီပေါက်လိုသည်ထက် NUG အစိုးရကို ထောက်ခံလှူဒါန်းလိုသည့်အတွက် ထိုးခြင်းဖြစ်ကြောင်း ပြည်သူအများစုက ဆိုသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ဖက်ဒရယ် ဒီမိုကရေစီပဋိဉာဉ်အရ ဒေါက်တာငိုင်းတမ်မောင်းအား ဒုဝန်ကြီးအဖြစ် တာဝန်ပေးအပ်ခဲ့ခြင်းဖြစ်သည်ဟု ဖော်ပြထားသည်။

သတင်း

ယင်းအစည်းအဝေး၌ နိုင်ငံခြားရေးဝန်ကြီးဌာနက လူသားချင်းစာနာထောက်ထားမှုဆိုင်ရာ အကူအညီပေးရေး အေဂျင်စီများနှင့် ဆက်သွယ်ဆောင်ရွက်ရန် ကိစ္စများတင်ပြခဲ့သည်ဟု ထုတ်ပြန်ခဲ့သည်။

သတင်း

လက်ရှိတွင် အလုပ်ရှင်အား အမှုဖွင့်ထားသည့် အလုပ်သမား (၃၈)ဦးအတွက် တရားဝင်အလုပ်ပြောင်းရွှေ့ခွင့်ရရှိရန် စမုပရာကန်ခရိုင်၊ အလုပ်အကိုင်ဌာန(ကျဟာငန်)နှင့် ချိတ်ဆက်ဆောင်ရွက်လျက်ရှိကြောင်း အသိပေးထားသည်။

သတင်း

ဆရာမ ဒေါ်အေးမာဆွေက လက်ယက်ကုန်းကျေးရွာဖြစ်စဥ်အတွက် တရားမျှတမှုနှင့် မြန်မာနိုင်ငံတွင် စစ်အာဏာရှင်စနစ် အမြန်ဆုံးချုပ်ငြိမ်းရေး ဆောင်ရွက်ပေးရန် နိုင်ငံတကာအသိုင်းအဝန်းကို တောင်းဆိုသည်။