ဂျာမနီအခြေစိုက် နိုင်ငံတကာကုမ္ပဏီဖြစ်တဲ့ METRO Wholesaleဟာ လာမယ့် အောက်တိုဘာလကုန်မှာ လုပ်ငန်းလည်ပတ်မှုရပ်စဲသွားမယ်လို့ ဒီနေ့ ထုတ်ပြန် ကြေညာပါတယ်။
၂၀၁၉ မှာ မြန်မာပြည်တွင်းကို စတင်ဝင်ရောက်ရင်းနှီးမြှုပ်နှံခဲ့တဲ့ METRO Wholesale ဟာ အကြမ်းဖက်စစ်တပ်အာဏာသိမ်းအပြီး ၇ လပြည့်ချိန်မှာ လုပ်ငန်းလည်ပတ်မှုရပ်စဲတော့မယ်လို့ ကြေညာလိုက်တာဖြစ်ပါတယ်။
“ကျွန်ုပ်တို့သည် အခြေအနေအရပ်ရပ်နှင့် လုပ်ဆောင်၍ ရနိုင်မည့် အချက်များကို သေချာစွာ သုံး သပ်ခဲ့ပါသည်။ သို့သော် လတ်တလောဖြစ်ပေါ်လျက်ရှိသော အခြေအနေများကြောင့် METRO တွင်ချမှတ်ထားသည့် မြင့်မား သော စံနှုန်းများနှင့်အညီ လုပ်ငန်းလည်ပတ်နိုင်ရန် များစွာခက်ခဲ လျက်ရှိပါသည်” လို့ METRO Wholesale Myanmar က ထုတ်ပြန်ပါတယ်။
အကြမ်းဖက်စစ်တပ်အာဏာသိမ်းပြီးနောက်ပိုင်း ပြည်တွင်းမှာ လာရောက်ရင်းနှီးမြှုပ်နှံတဲ့ နိုင်ငံတကာကုမ္ပဏီကြီးတွေ ပြန်လည်ထွက်ခွာနေကြပြီး နောက်ဆက် တွဲအကျိုးရလဒ်အနေနဲ့ ပြည်ပ ရင်းနှီးမြှုပ်နှံမှုဝင်ငွေလျော့ကျခြင်း၊ အလုပ်လက်မဲ့ဖြစ်မှုမြင့်တက်လာခြင်း၊ သုံးစွဲသူများရဲ့ ရွေးချယ်ခွင့်နည်းပါးလာခြင်း စတဲ့ အခက်အခဲတွေ ရှိလာပါတယ်။
Public Service Announcement
