နွေဦးထီ ကို NUG အစိုးရက အွန်လိုင်းကနေ ရောင်းချရာမှာ ဝယ်ယူအားပေးသူများပြားလာချိန်မှာ စစ်ကောင်စီကလည်း အောင်ဘာလေထီကို အွန်လိုင်းကနေ ရောင်းဖို့ စီစဉ်လာပါတယ်။
အောင်ဘာလေထီ ကို အွန်လိုင်းကနေ ရောင်းဖို့ နည်းပညာဝန်ဆောင်မှုပေးလိုတဲ့ ကုမ္ပဏီ၊ အဖွဲ့အစည်းတွေကို အဆိုပြုလွှာတွေ စစ်ကောင်စီက ဖိတ်ခေါ်တာပြုလုပ်နေပါပြီ။
ကံစမ်းသူတွေ လွယ်လွယ်ကူကူမြန်မြန်ဆန်ဆန် ဝယ်ယူကံစမ်းနိုင်ဖို့ ရည်ရွယ်တယ်လို့ စစ်ကောင်စီက ဆိုထားပြီး အဆိုပြုလွှာ ကို လာမယ့် အောက်တိုဘာလ ၁၅ ရက်နောက်ဆုံးထားပြီး တင်သွင်းရမယ်လို့လည်း ဆိုထားတာတွေ့ရပါတယ်။
စစ်ကောင်စီရဲ့ အောင်ဘာလေထီကို ပြည်သူလူထုဟာ သပိတ်မှောက်ဆန့်ကျင်တဲ့အနေနဲ့ မဝယ်တာကြောင့် လစဉ် ထီလက်မှတ်စောင်ရေ များစွာ ကျန်ရှိနေပြီး ထီဖွင့်ရမယ့် ရက်ကို ရွှေ့ခဲ့ရတာတွေ ရှိခဲ့ပါတယ်။
ဒီလိုအချိန်မှာ NUG အစိုးရက နွေဦးထီ ကို အွန်လိုင်းကနေ ရောင်းချရာမှာတော့စတင်ရောင်းချတဲ့ နာရီပိုင်းအတွင်းမှာ သတ်မှတ် စောင်ရေအားလုံးကုန်အောင် ရောင်းချ နိုင်တာကိုတွေ့ရပါတယ်။
ဒီလိုအခြေအနေမျာ စစ်ကောင်စီဟာ သူတို့ရဲ့ထီကို ဝယ်သူများလာအောင် ရောင်းရငွေပမာဏ ရဲ့ ၇၀ ရာခိုင်နှုန်းအထိ ဆုချီးမြှင့်မယ်လို့ ကြေညာခဲ့ပေမယ့် ပြီးခဲ့တဲ့ထီဖွင့်ပွဲမှာ အမြင့်ဆုံးဆုအနေနဲ့ ကျပ်သိန်းငါးထောင် ဆုကိုသာပေးနိုင်ခဲ့ပါတယ်။