Connect with us

Hi, what are you looking for?

LuduNwayOo

News

သုံးလအတွင်းတိုက်ပွဲနှင့် ပဋိက္ခဖြစ်စဉ် တစ်ထောင်ကျော်ဖြစ်ခဲ့ရာ စစ်ကောင်စီတပ်သား ၁,၇၀၀ ကျော်သေဆုံးဟု NUG ထုတ်ပြန်

သုံးလအတွင်း လက်နက်ကိုင်တိုက်ပွဲနှင့် ပဋိပက္ခ ဖြစ်စဉ်ပေါင်း ၁,၁၇၁ ခုဖြစ်ပွားခဲ့ရာ စစ်ကောင်စီဘက်က ၁,၇၁၀ဦး သေဆုံးပြီး ၆၃၂ဦး ဒဏ်ရာရရှိခဲ့ကြောင်း၊ ပြည်သူလူထု ၄၃၁ဦး ကျဆုံးကာ ဒဏ်ရာရသူ ၁၈၄ ဦးရှိခဲ့ကြောင်း ဖော်ပြထားသည်။

သုံးလအတွင်း တိုက်ပွဲနှင့် ပဋိပက္ခဖြစ်စဉ် တစ်ထောင်ကျော်ဖြစ်ခဲ့ပြီး စစ်ကောင်စီတပ်ဘက်က ၁,၇၀၀ ကျော်သေဆုံးကာ ပြည်သလထုဘက်က ၄၀၀ကျော် ကျဆုံးခဲ့သည်ဟု အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက ယနေ့ထုတ်ပြန်သည်။

မြန်မာနိုင်ငံအတွင်း ဇွန်လ ၁ရက်မှ ဩဂုတ် ၃၁ရက်အထိ ဖြစ်ပွားခဲ့သော တိုက်ပွဲများနှင့် ပဋိပက္ခ ဖြစ်စဉ်များ နှင့်ပတ်သက်ပြီး ပြည်တွင်း မီဒီယာ ၃၀ ၌ ဖော်ပြထားသည့် သတင်းများနှင့် မြေပြင်သတင်းများကို ကာကွယ်ရေး ဝန်ကြီးဌာနက ပြုစုထုတ်ပြန်ခြင်းဖြစ်သည်။

တိုက်ပွဲနှင့် ပဋိပက္ခဖြစ်စဉ်များ အနက် စစ်ကောင်စီတပ်ကအရပ်သားများအပေါ် အကြမ်းဖက်မှုများ ၃၀၉ကြိမ်၊ စစ်ကောင်စီအချင်းချင်း ပစ်ခတ်မှု ၁၈ကြိမ်၊ ပေါက်ကွဲမှုများ ၂၈၀ ကြိမ်၊ လုပ်ကြံခံရမှုများ ၂၂၇ကြိမ်၊ပြည်သူ့ ခုခံတော်လှန်စစ် ၁၅၇ကြိမ် နှင့် လက်နက်ကိုင်တိုက်ပွဲများ ၁၈၀ ကြိမ် ရှိခဲ့သည်ဟု ဆိုသည်။

သုံးလအတွင်း လက်နက်ကိုင်တိုက်ပွဲနှင့် ပဋိပက္ခ ဖြစ်စဉ်ပေါင်း ၁,၁၇၁ ခုဖြစ်ပွားခဲ့ရာ စစ်ကောင်စီဘက်က ၁,၇၁၀ဦး သေဆုံးပြီး ၆၃၂ဦး ဒဏ်ရာရရှိခဲ့ကြောင်း၊ ပြည်သူလူထု ၄၃၁ဦး ကျဆုံးကာ ဒဏ်ရာရသူ ၁၈၄ ဦးရှိခဲ့ကြောင်း ဖော်ပြထားသည်။

Public Service Announcement

Public Service Announcement

ဇွန်လ ၊ ဇူလိုင်လနှင့် ဩဂုတ်လ သုံးလတာ နှိုင်းယှဉ်ချက်များအရ တစ်နိုင်ငံလုံးအတိုင်းအတာဖြင့် ပေါက်ကွဲမှု ဖြစ်စဉ်များမှာ အရေအတွက် နည်းပါးလာပြီး လက်နက်ကိုင် တိုက်ပွဲများနှင့် ပြည်သူလူထု ခုခံတော်လှန်စစ်များ တဖြည်းဖြည်း များလာကြောင်း ထုတ်ပြန်ခဲ့သည်။

လက်နက်ကိုင်တိုက်ပွဲနှင့် ပြည်သူလူထု ခုခံတော်လှန်စစ်ကြောင့် စစ်ကောင်စီတပ်ဖွဲ့ဝင်များ သေဆုံးမှုများပြားခဲ့ပြီး လက်နက်ကိုင်တိုက်ပွဲများကြောင့် စစ်ကေင်စီတပ် သား ၅၀၉ ဦးသေဆုံးပြီး ၂၁၄ဦး ဒဏ်ရာရရှိခဲ့ကြောင်း၊ခုခံတော်လှန်မှုများအတွင်း စစ်ကောင်စီတပ်သား ၉၉၄ ဦးသေဆုံးပြီး ၃၄၉ ဦး ဒဏ်ရာရရှိခဲ့ ကြောင်း ဖော်ပြထားသည် ။

သုံးလတာအတွင်း၌ စစ်ကောင်စီက ပြည်သူလူထု အပေါ် အကြမ်းဖက်မှု အခြေအနေမှာ ဩဂုတ်လအတွင်း ပိုများလာကြောင်းထုတ်ပြန်သည်။

တိုင်းနှင့် ပြည်နယ်များအနက် စစ်ကိုင်းတိုင်းတွင် ပဋိပက္ခ ဖြစ်စဉ် အများဆုံး ဖြစ်ခဲ့ပြီး ကချင်ပြည်နယ်တွင် လက်နက်ကိုင် တိုက်ပွဲများ စစ်ကိုင်းတိုင်းတွင် ပြည်သူများ၏ ခုခံတော်လှန်မှုများ အများဆုံးဖြစ်သည်ဟုဆိုသည်။ ပေါက်ကွဲမှု အများဆုံးမှာ ရန်ကုန်တိုင်းဖြစ်ကြောင်း ဖော်ပြခဲ့သည်။

ကာကွယ်ရေးဝန်ကြီးဌာန၏ ထုတ်ပြန်ချက်တွင် တိုင်း ရင်းသားလက်နက်ကိုင်အဖွဲ့များနှင့် စစ်ကောင်စီတပ်အကြား တိုက်ပွဲဖြစ်ပွားမှုများကို ထည့်သွင်းဖော်ပြထားခြင်းမရှိပေ။

ဆက်စပ်သတင်းများ

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။

သတင်း

လွိုင်ကော်မြို့​ပေါ်ရှိ မိုင်းလုံး (၁၁)ထပ်တိုက်၊ GTC ကျောင်း၊ နန့်ဘော်ဝမ်ရပ်ကွက် နှင့် နောင်ယားရပ်ကွက်တို့တွင် စစ်ကောင်စီက တပ်စွဲထားသည်။

သတင်း

CBMဟာ စစ်ကောင်စီရဲ့ နိုင်ငံခြားငွေ ဝင်ရောက်မှု အဓိက ရင်းမြစ်တစ်ခုလည်း ဖြစ်နေပြီး ငွေလဲလှယ်မှု ကြီးကြပ်ရေး ကော်မတီနဲ့ ပူးပေါင်းပြီး ပြည်ပကနေ စစ်လက်နက်တွေ ဝယ်ယူဖို့ လိုအပ်တဲ့ နိုင်ငံခြားငွေကြေးကို စုဆောင်း ရှာဖွေပေးနေပြန်ပါတယ်။

သတင်း

စင်ကာပူရဲ့ လုပ်ဆောင်ချက်တွေကို နမူနာယူဖို့ လိုကြောင်း၊ မြန်မာပြည်သူတွေကို စစ်တပ်က သတ်ဖြတ်တဲ့ လုပ်ရပ်တွေမှာ ထိုင်းဘဏ်တွေက အားပေးအားမြှောက် သဘောမျိုး ပါဝင်နေတာကို လုံးဝ လက်ခံလို့ မဖြစ်နိုင်ကြောင်း သူက ထောက်ပြသွားပါတယ်။