လူထုထောက်ခံမှုရထားတဲ့ NUG နဲ့ နယ်မြေထိန်းချုပ်ထားနိုင်တဲ့ စစ်ကောင်စီတို့ရဲ့ ကုလသမဂ္ဂမှာနေရာရရေး တိုက်ပွဲဟာ စတင်နေပါပြီ။
သံတမန်ရေးရာ အားပြိုင်တဲ့ ဒီတိုက်ပွဲမှာ NUG နဲ့ စစ်ကောင်စီတို့ရဲ့အားသားချက်တွေက ဘာတွေရှိမလဲ၊ မြန်မာ ကိုယ်စားလှယ်နေရာ စိစစ်ဆုံးဖြတ် ကော်မတီမှာ ဘယ်နိုင်ငံတွေပါဝင်နေလဲ ၊ ဒီကော်မတီကနေ ဆုံးဖြတ်လာမယ့် ဖြစ်နိုင်ခြေတွေကို စုစည်းတင်ဆက်လိုက်ပါတယ်။
လက်ရှိအခြေအနေမှာတော့ အမေရိကန်အခြေစိုက် နိုင်ငံခြားရေးမူဝါဒစာစောင် Foreign Policy က သတင်းတစ်ပုဒ်မှာ အမေရိကန်နဲ့ တရုတ် တို့ဟာ လက်ရှိ သံအမတ်ကြီး ဦးကျော်မိုးထွန်းကို ပဲ လာမယ့် နိုဝင်ဘာလအထိ ဆက်ထားဖို့ သဘောတူညီခဲ့ကြတယ်လို့ဖော်ပြထားပါတယ်။
ဒါ့အပြင် စစ်ကောင်စီရဲ့ ကိုယ်စားလှယ်ကို ကုလညီလာခံစကားပြောဆိုခွင့် ပြုမှာ မဟုတ်တဲ့အကြောင်း အင်အားကြီး နှစ်နိုင်ငံ ဆွေးနွေးမှုမှာ သဘောတူခဲ့တယ်လို့ Foreign Policy သံတမန်တွေကို ကိုးကားပြီးရေးပါတယ်။
Public Service Announcement
ဒါဟာ တရားဝင်အစိုးရ တရပ်ဖြစ်ဖို့ စစ်ကောင်စီရဲ့ ကြိုးပမ်းမှုအပေါ် ကြီးမားတဲ့ထိုးနှက်ချက် ဖြစ်တယ်လို့လည်း မြန်မာ့အရေးလေ့လာသူတွေက သုံးသပ်နေကြပါတယ်။
