ပဲခူးတိုင်း ကျောက်ကြီးမြို့နယ်တွင် ယနေ့နံနက် ၁၁ နာရီခန့်ကစပြီး စစ်ကောင်စီတပ်နှင့် ပဲခူးတိုင်းပြည်သူ့ကာ ကွယ်ရေးတပ်ဖွဲ့(BPDF-Yoma)နှင့် KNU/KNLA ပူးပေါင်းတပ်များ ထိတွေ့တိုက်ပွဲဖြစ်ပွားလျက်ရှိကြောင်း BPDF-Yoma က ထုတ်ပြန်သည်။
“မိမိတို့နှင့် Eo များ အကျအဆုံး ထိခိုက်မှုမရှိ။ ခွေးများဘက်မှ နှစ်ဦးကျဆုံး ထိခိုက်ဒဏ်ရာ အရေအတွက် အတည်မပြုနိုင်သေးပါ။ စစ်ရေး ကျွမ်းသော EO များရဲ့ ဦးဆောင်မှုဖြင့် တိုက်စစ်ကောင်းဖြင့် ကာကွယ်နေပါသည်”ဟု ထုတ်ပြန်ချက်တွင် ဖော်ပြသည်။
တပ်ပွဲဖြစ်ပွားသည့်နေရာမှာ ကျောက်ကြီးမြို့နယ် စက်လဲကျေးရွာအနီးတွင်ဖြစ်ပြီး ယင်းနေရာသည် တောင်ငူခရိုင်အတွင်းရှိ KNU တပ်မဟာ(၃)၏ ထိန်းချုပ်နေရာတစ်ခုလည်း ဖြစ်သည်။
တိုက်ပွဲအခြေအနေများကြောင့် စက်လဲကျေးရွာရှိ သက် ကြီးရွယ်အိုများ၊ အမျိုးသမီးများနှင့် ကလေးငယ်များအား ဘေးရန်ကင်းရာနေရာများသို့ တိမ်းရှောင်ပေးကြရန် ပဲခူးတိုင်း ပြည်သူ့ကာကွယ်ရေးတပ် ဖွဲ့(BPDF- Yoma) က အသိပေးထားသည်။
Public Service Announcement
ကျောက်ကြီးမြို့နယ် KNU တပ်မဟာ(၃)၏ ထိန်း ချုပ်နယ်မြေများသို့ စစ်ကောင်စီတပ်မှ အင်အား (၂၀၀)ခန့်ဖြင့် ယမန်နေ့(စက်တင်ဘာ ၂၁)ရက်က တည်းက စစ်ရေးလှုပ်ရှားမှုများရှိနေကြောင်း ကရင်အမျိုးသားအစည်းအရုံး(KNU)ဗဟိုမက သတင်းထုတ်ပြန်ထား သည်။
(စစ်ရေးလှုပ်ရှားမှုများရှိနေသည့် ကျောက်ကြီးမြို့နယ် တစ်နေရာကို တွေ့ရစဥ်၊ ဓာတ်ပုံ – KNU)
