ရှမ်းပြည်နယ်တောင်ပိုင်း ဖယ်ခုံနှင့် ကယားပြည်နယ် ဒီးမော့ဆိုမြို့နယ်၌ ယမန်နေ့က တိုက်ပွဲများ ဆက်လက်ဖြစ်ပွားခဲ့ကြောင်း ကရင်နီအမျိုုးသားကာကွယ်ရေးတပ်ဖွဲ့(KNDF)က ယနေ့ သတင်း ထုတ်ပြန်သည်။
စက်တင်ဘာ ၂၃ရက် ညနေပိုင်းက ဒီးမောဆိုမြို့နယ်၊ ကုန်းသာကျေးရွာအနီး ကျောက်ဆယ်ကန်၌ တိုက်ပွဲဖြစ်ပွားခဲ့ကြောင်း၊ စစ်ကောင်စီတပ်မှလက်နက် ကြီးများဖြင့် ဆက်တိုက်ပစ်ခတ်ပြီး ငွေတောင်ဘက်မှခြေလျင် တပ်များဖြင့် ချီတက်လာသည့်အတွက် ကရင်နီ တပ်မတော် (KA)၊ KNDF နှင့် ဒီးမော့ဆိုမြို့နယ် ပြည်သူ့ကာကွယ်ရေးတပ်ဖွဲ့(PDF)တို့က ခုခံတိုက်ခိုက်ခဲ့ခြင်းဖြစ်သည်ဟုဆိုသည်။
ထို့ပြင် ဖယ်ခုံမြို့နယ်တွင်လည်း အကြမ်းဖက်စစ်ကောင်စီတပ်များနှင့် ဖယ်ခုံမြို့နယ် PDF၊ KNDF ပူးပေါင်းတပ်တို့ ယမန်နေ့က တိုက်ပွဲများဖြစ်ပွားခဲ့သည်ဟု ဆိုသည်။
ဒီးမော့ဆိုနှင့် ဖယ်ခုံမြို့နယ်အတွင်း တိုက်ပွဲများ၌ ကရင်နီလက်နက်ကိုင်တပ်ဖွဲ့ဝင်များ ထိခိုက်မှုမရှိခဲ့ ကြောင်း၊ရန်သူဖက်မှ ထိခိုက်ကျဆုံးမှု အခြေအနေကိုလည်း အတည်မပြုနိုင်ကြောင်း ဖော်ပြခဲ့သည်။
Public Service Announcement
ဒီးမော့ဆိုမြို့နယ်တွင် စက်တင်ဘာလဆန်းပိုင်းမှစ၍ တကျော့ပြန် တိုက်ပွဲများပြန်လည် ဖြစ်ပွားခဲ့ရာ အကြမ်း ဖက်စစ်ကောင်စီတပ်မှ လက်နက်ကြီး၊ လက်နက်ငယ်များဖြင့်ရမ်းသမ်း ပစ်ခတ်မှုများကြောင့် ပြည်သူများ၏ အသက်အိုးအိမ်စည်းစိမ်များ ထိခိုက်ပျက်စီးခဲ့ကြောင်း KNDFက ထုတ်ပြန်သည်။
