ပင်လည်ဘူးမြို့နယ်တွင် အကြမ်းဖက်စစ်ကောင်စီက လေကြောင်းဖြင့် တိုက်ခိုက်မှုအတွင်း PDFဘက်မှ ထိခိုက်မှုမရှိသော်လည်း ပြည်သူများအနေဖြင့် ပုန်းခိုကျင်းများတူးထားကြရန်နှင့် တိုက်ပွဲဧရိယာနှင့် ဝေးရာသို့ တိမ်းရှောင်ကြရန် ပင်လည်ဘူး PDF က ထုတ်ပြန်သည်။
အကြမ်းဖက်စစ်ကောင်စီသည် ပင်လည်ဘူးပါဝင်သည့် ကောလင်းခရိုင်တစ်ခုလုံးကို စက်တင်ဘာ ၂၆ ရက် နံနက်ကစ၍ ဖုန်းလိုင်းရော အင်တာနက်လိုင်းပါ ဖြတ်တောက်ပြီး စစ်အင်အားအင်အားထောင်ချီအသုံးပြုကာ ဂျက်လေယာဥ်များနှင့် ထိုးစစ်ဆင်ခဲ့သည်ဟု ပင်လည်ဘူး PDFက ကနဦး ထုတ်ပြန်ခဲ့သည်။
ထို့နောက်တိုက်ပွဲနောက်ဆက်တွဲအခြေအနေကို စက်တင်ဘာ၂၆ ရက်ညနက်ပိုင်းတွင် ထပ်မံထုတ်ပြန်ရာ ပင်လည်ဘူးမြို့နယ်အတွင်း အကြမ်းဖက်စစ်ကောင်စီလက်အောက်ခံတပ်များ နှင့် တိုက်ပွဲတွင် ကောလင်း၊ဝန်းသိုနှင့်ပင်လည်ဘူး မြို့နယ်များမှ PDFများ ပူးပေါင်းတိုက်ပွဲဝင်ခဲ့ကြပြီး PDFဘက်မှ ထိခိုက်မှုမရှိဟု လူထုအား အသိပေးထားသည်။
ထို့အပြင် တိုက်ပွဲကာလအတွင်း ပြည်သူလူထုဘေးကင်းစေရေးအတွက် ပင်လည်ဘူး PDFက အောက်ပါအတ်ိုင်းတိုက်တွန်းထားသည်။
“မိမိတို့ PDF တွေအနေနဲ့ တိမ်းရှောင်နိုင်ပေမဲ့ ပြည်သူများအနေဖြင့် ပုန်းခိုကျင်းများ တူးထားကြရန်နှင့် တိုက်ပွဲဖြစ်သော နေရာများနဲ့ ဝေရာသို့ တိမ်းရှောင်ကြရန် တိုက်တွန်းလိုပါတယ်”ဟု တိုက်တွန်းထားသည်။