ဘင်္ဂလားပင်လယ်အော်မှ ဆိုင်ကလုန်းမုန်တိုင်း Gulab -ဂူလက်ဘ်သည် အိန္ဒိယနိုင်ငံကမ်းကမ်းရိုးတန်းသို့ ဝင်ရောက်သွားသော်လည်း မြန်မာနိုင်ငံဒေသအချို့တွင် မိုးကြီးမည့် သတိပေးချက်များ ရှိနေသေးသည်။
ဂူလက်ဘ်မုန်တိုင်းသည် အိန္ဒိယနိုင်ငံ Odisha နှင့် Andhra Pradesh နယ်စပ်သို့ ယမန်နေ့(စက်တင်ဘာ ၂၆)ညနက်ပိုင်းက ဝင်ရောက်ခဲ့သည်ဟု အိန္ဒိယမိုးလေဝသဌာနက ထုတ်ပြန်ထားသည်။
ဂူလက်ဘ် မုန်တိုင်း အိန္ဒိယနိုင်ငံကမ်းကမ်းရိုးတန်းသို့ ဝင်ရောက်သွားသော်လည်း ဘဂ်လားပင်လယ်အော်တွင် မုတ်သုံလေ အားကောင်းနေဆဲဖြစ်ပြီး မြန်မာနိုင်ငံအလယ်ပိုင်းနှင့်အောက်ပိုင်း ဒေသအချို့တွင် နေရာကွက်၍ မိုးကြီးနိုင်သေးကြောင်း ရာသီဥတုဆိုင်ရာလေ့လာသူများက သတိပေးသည်။
ယနေ့(စက်တင်ဘာ ၂၇ရက်)အတွက် ဖြစ်နိုင်ခြေရှိသော ရာသီဥတုအခြေအနေအရ ဧရာဝတီတိုင်းဒေသကြီးတွင် မိုးကြီးနိုင်ပြီး ရန်ကုန်၊ မကွေး၊ မန္တလေး၊ ပဲခူးနှင့်တနင်္သာရီတိုင်းဒေသကြီး၊ ရခိုင်၊ကရင်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်ဟု အမေရိကန်အခြေစိုက် ကမ္ဘာကျော် ဆိုင်ကလုန်မုန်တိုင်းသတိပေးရေးစင်တာ(Joint Typhoon Warning Centre – JTWC)ကို ကိုးကား၍ ရာသီဥတုဆိုင်ရာလေ့လာသူများက သတိပေး ထားသည်။
Public Service Announcement
