စစ်​ကောင်စီက ကားတင်သွင်းခွင့်ပိတ်၊ ကား​​စျေး​တွေလည်းမြင့်တက်လာ​တော့မယ်လို့ဆို

အာဏာသိမ်းစစ်ကောင်စီက ပြည်ပမှ မော်တော်ယာဉ်တင်သွင်းခွင့်ကို အောက်တိုဘာ ၁ ရက်က စတင်ပြီး ပိတ်ပင်လိုက်ကြောင်း ကားအရောင်းအဝယ်သမားများကပြောသည်။

ကားတင်းသွင်ခွင့်ကို ၂၀၂၁ဒီဇင်ဘာထိ ပိတ်ပင်ထားမှာဖြစ်ပြီး ၂၀၂၂တွင် Brand New ကားများကိုသာပြန်လည်တင်သွင်းခွင့်ပြုမည်ဟု စစ်ကောင်စီက ဆိုထားသည်။

ပြည်တွင်းထုတ် SKDကားများကို ပိတ်ပင်ခြင်းမရှိဟု ကားအရောင်းအဝယ်သမားကပြောသည်။၂၀၂၂တွင် ပြည်ပတင်သွင်းသည့်ကားများကို အခွန်ပြန်လည် တိုးမြှင့်ကောက်ခံမည်ဟု ဆိုသည်။

ထိုသို့ပိတ်ပင်လိုက်ခြင်းကြောင့် ပြည်တွင်းကားဈေး ကွက်တွင် မော်တော်ကားဈေးများ စတင်မြင့်တက်လာသည်ဟု ကားအရောင်းအဝယ်သမားများက ဆိုသည်။

Public Service Announcement

“အခုတော့ ကားဈေးတွေစတက်နေပြီ။ မကြာခင် ဦးနေဝင်း၊ ဦးသန်းရွှေခေတ်ကလို့ ဖြစ်လာတော့မယ်”ဟု ကားအရောင်းအဝယ်သမားတစ်ဦးက ပြောသည်။

ဒေါ်လာဈေးမြင့်တက်လာ၍ ကားတင်သွင်းခွင့်ကို ပိတ်ပင်ခြင်းဖြစ်သည်ဟု ကားအရောင်းအဝယ်သမားက သုံးသပ်သည်။ ထိုသတင်းကို ကြိုရထားသည့် လုပ်ငန်းရှင်တစ်ချို့က ကားများကို ကြိုတင် တင်သွင်းထားပြီး ကားဈေးအတက်ကို စောင့်နေသည်ဟု ကားအရောင်းပြခန်းပိုင်ရှင်တစ်ဦးက ပြောသည်။

နိုင်ငံအတွင်း ဒေါ်လာဈေး အဆမတန်မြင့်တက်လာခြင်းကြောင့် အကြမ်းဖက်စစ်ကောင်စီက ကားတင်သွင်းခွင့်ကို ယခုလို ပိတ်ပင်လိုက်ခြင်းဖြစ်သည်။

လက်ရှိ ပြည်တွင်းတွင် SKD စနစ်ဖြင့် ဂျပန်ကုမ္ပဏီ Suzuki ၊ Nissan ၊ ကီုရီးယားက KIA ၊ Hyundai ၊ အမေရိကန် ကားကုမ္ပဏီ FORD ၊ တရုတ် ကားကုမ္ပဏီများက မော်တော်ကားများ ထုတ်လုပ်လျက်ရှိသည်။