ပဲခူးမြို့ ရွှေမော်ဓေါဘုရားအနီးတွင် တပ်စွဲထားသည့် အကြမ်းဖက်စစ်ကောင်စီတပ်ဖွဲ့ဝင်များရှိရာနေရာသို့ မီးကွင်းပစ်ခံရပြီးနောက် စစ်သားများက လမ်းသွားလမ်းလာများဘက်သို့ သေနတ်ဖြင့် ရမ်းသမ်းပစ်ခတ်နေသည်ဟု ဒေသခံများကပြောသည်။
ရွှေမော်ဓောဘုရားတောင်ဘက်မုဒ်အနီး ဆံတော်တွင်လမ်းရှိဘုန်းမြင့်ဘုန်းကြီးကျောင်းဝင်းအတွင်းသို့ လူအချို့က ယနေ့(စက်တင်ဘာ ၂၈)ည ၆နာရီ ၄၅မိနစ်တွင် မီးကွင်းပစ်ခဲ့ရာ ကျောင်းဝင်းအတွင်း တပ်စွဲထားသည့်စစ်ကောင်စီ၏ တပ်မ၇၇မှ တပ်ဖွဲ့ဝင်အချို့ လမ်းသွားလမ်းလာများဘက်သို့ သေနတ်ဖြင့် ပစ်ခတ်ခဲ့သည်ဟု ဒေသခံတစ်ဦးက ပြောသည်။
“ရွှေဘုန်းမြင့်ဘုန်းကြီးကျောင်းထဲကနေ ပစ်နေတာ။ ဒီကောင်တွေ မူးပြီး ပစ်နေတာ။ဘုန်းကြီးကျောင်းမှာတပ်စွဲထားတဲ့ ကင်းစခန်းကိုမီးကွင်းလာပစ်လို့ပြန်ပစ်တာ”ဟု ဒေသခံတစ်ဦးကပြောသည်။
မိနစ်အနည်းငယ်အတွင်း သေနတ်အချက်ပေါင်း ၅ ကျော် ပစ်ခတ်ခဲ့ပြီး ည ၇နာရီခွဲခန့်တွင် တွင်မှရပ်သွားသည်ဟု ဒေသခံတို့ကဆိုသည်။ ရမ်းသမ်းပစ်ခတ်မှုကြောင့်အရပ်သားထိခိုက်မှု ရှိ၊မရှိကိုမူမသိရှိရသေးပေ။