ထီးချိုင့်တွင် အကြမ်းဖက်စစ်ကောင်စီကားနှစ်စီး မိုင်းထိပြီးနောက် ဒဏ်ရာရသူများကို ဆေးကုရန်အတွက် ထီးချိုင့်ဆေးရုံတွင် မူလကတက်ရောက်နေသည့် အရပ်သားများကို ချက်ချင်းဖယ်ရှားခိုင်းနေသည်ဟုဒေသခံများကပြောသည်။
ထီးချိုင့်-ကသာသွားလမ်းမှ သခွပ်ချောင်ကျေးရွာအနီးတွင် စစ်ကောင်စီတပ်ဖွဲ့ဝင်များ လိုက်ပါလာသည့်ကားနှစ်စီး ယနေ့(စက်တင်ဘာ၃၀)နံနက်က မိုင်းခွဲဖျက်ဆီးခံရခြင်းဖြစ်သည်။
“ပင်လည်ဘူးကိုစစ်ကူသွားမယ့် အဖွဲ့က ကားနှစ်စီးမိုင်းထိတယ်။ သခွပ်ချောင်မှာ ထိတာ။ ဆေးရုံကလူတွေဆင်းခိုင်းပြီး သူတို့(စစ်ကောင်စီ) တက်နေတယ်”ဟု ယနေ့ နေ့လည်တွင် ဒေသခံတစ်ဦးကသတင်းပေးပို့သည်။
သေဆုံးသူနှင့်ဒဏ်ရာရသူစာရင်း လတ်တလော မသိရသေးပေ။ ထီးချိုင့်ဆေးရုံကို တစ်လပိတ်ရန် စစ်ကောင်စီတပ်ဖွဲ့က ညွှန်ကြားထားကြောင်းလည်း သတင်းထွက်ပေါ်နေသည်။ စစ်ကိုင်းတိုင်းဒေသကြီးအတွင်း လူထုခုခံတော်လှန်ရေးတွင် စစ်ကောင်စီဘက်က အထိနာနေပြီး ယမန်နေ့ကလည်းထီးချိုင့်မြို့မှ စစ်ကောင်စီခန့် ရပ်ကွက်အုပ်ချုပ်ရေးမှုးတစ်ဦး အသတ်ခံလိုက်ရသည်။
Public Service Announcement
