ပုပ်ရဟန်းမင်းကြီးဖရန်ဆစ်ဟာ နှစ်ပေါင်းများစွာ ပဋိပက္ခနဲ့ နှိပ်စက်မှုတွေ့ကြုံနေခဲ့တဲ့မြန်မာပြည်အတွက် ငြိမ်းချမ်းရေးရရှိဖို့ ထပ်မံတောင်းဆိုလိုက်ပါတယ်။
ဒီနေ့ စိန့်ပီတာရင်ပြင် စုဝေးဝတ်ပြုပွဲမှာ ပုပ်ရဟန်းမင်းကြီးဖရန်ဆစ်က ပြီးခဲ့တဲ့နှစ်များအတွင်း ဆိုးရွားနာကျင်မှုတွေကို ခံစားခဲ့ရတဲ့ ချစ်ခင်ရသော တိုင်းပြည်အတွက် ဘုရားသခင်ထံမှ ငြိမ်းချမ်းရေးလက်ဆောင်ကို ပန်ကြားခဲ့တာဖြစ်ပါတယ်။
“အဲဒီအရပ်(မြန်မာပြည်)မှာနေထိုင်သူတွေရဲ့ လက်တွေဟာ နာကျင်မှုနဲ့ သေခြင်းတရားရဲ့ မျက်ရည်တွေကို မဖြည်ဆည်နိုင်တော့ပါဘူး။ ဒါပေမဲ့ အခက်အခဲတွေကို အတူတကွ ကျော်လွှားနိုင်ပြီး ရောက်ရှိလာမယ့် ငြိမ်းချမ်းရေးအတွက်အတူတကွ စွမ်းဆောင်နိုင်ပါစေ” လို့ ပုပ်ရဟန်းမင်းကြီးက ဆုတောင်းပေးပါတယ်။
မြန်မာနိုင်ငံမှာ အကြမ်းဖက်စစ်တပ် အာဏာသိမ်းပြီးနောက်ပိုင်း မြန်မာပြည်သူ၊ ပြည်သားတွေ ငြိမ်းချမ်းရေးရရှိဖို့နဲ့ ရင်ဆိုင်နေရတဲ့ကပ်ဘေးတွေ အမြန်ဆုံးကင်းဝေးဖို့ ပုပ်ရဟန်းမင်းကြီးဖရန် ဆစ်က မကြာခဏ ဆုတောင်းပေးခဲ့ပါတယ်။