နိုင်ငံခြားငွေ နဲ့ပတ်သက်ပြီး သူတို့ထုတ်ပြန်တဲ့ အမိန့်ညွှန်ကြားချက်တွေကို မလိုက်နာရင် မည်သူကိုမဆို အရေးယူနိုင်ဖို့ စစ်ကောင်စီ ခေါင်းဆောင်ဟာ နိုင်ငံခြားသုံးငွေစီမံခန့်ခွဲမှုဥပဒေ ကို ပြင်ဆင်ဖြည့်စွက်လိုက်ပါတယ်။
အရင်က ဥပဒေဟာ နိုင်ငံခြားသုံးငွေလုပ်ငန်းလုပ်ကိုင်ခွင့်လိုင်စင် ရသူတွေရည်ရွယ်ထားတာဖြစ်ပြီး စစ်ကောင်စီရဲ့ပြင်ဆင်ချက်အရ အများပြည်သူနဲ့ပါ သက်ဆိုင်လာတာပါ။
ပြင်ဆင်ချက်မှာဆိုရင် နိုင်ငံခြားသုံးငွေ စီမံခန့်ခွဲမှု ဥပဒေ အရ ထုတ်ပြန်တဲ့ ဥပဒေတွေ ၊ စည်းမျည်းစည်းကမ်းတွေ ၊ အမိန့်ကြော်ငြာစာတွေ၊ အမိန့် နဲ့ ညွှန်ကြားချက်တွေကို ဖောက်ဖျက်ခြင်းမလုပ်ရဘူးလို့ ပါရှိတာတွေ့ရပါတယ်။
မလိုက်နာရင် မည်သူကိုမဆို ထောင်ဒဏ် ၁ နှစ်အထိ ချနိုင်မှာဖြစ်တယ်လို့ သိရပါတယ်။
Public Service Announcement
တိုင်းပြည်မှာ မြန်မာကျပ်ငွေ တန်ဖိုးကျဆင်းလာပြီး အမေရိကန်ဒေါ်လာဈေးတက်နေချိန်မှာ စစ်ကောင်စီဟာ ဥပဒေကိုပြင်ဆင်လိုက်တာလည်းဖြစ်ပါတယ်။
ဥပဒေကိုပြင်ဆင်ပြီး အောက်တိုဘာလ ၆ ရက် ရက်စွဲနဲ့စစ်ကောင်စီခေါင်းဆောင်က လက်မှတ်ရေးထိုးထုတ်ပြန်ထားတာပါ။
