မန္တလေး -ပြင်ဦးလွင် လမ်းပိုင်းရထားသံလမ်း ဒီကနေ့မနက်ပိုင်းက ဗုံးပေါက်ကွဲခဲ့ပါတယ်။
မန္တလေး ပြည်ကြီးတံခွန်မြို့နယ် အောင်သာယာရပ်ကွက်ဘေး ၅၆ လမ်းနဲ့ ၅၈ လမ်းကြားရှိ ရထားသံလမ်းမှာ မနက် ၇နာရီကျော်လောက်က ဗုံးပေါက်ကွဲမှုဖြစ်ပွားခဲ့တာဖြစ်ပါတယ်။
“အဲရထားလမ်းက အသွားအလာတော့သိပ်မရှိတော့ဘူး။ရံဖန်ရံခါလောက်ပဲ ရထားသွားတာရှိတာ” လို့ အောင်သာယာရပ်ကွက်တွင်နေထိုင်သူတစ်ဦးကပြောပါတယ်။
ရထားလမ်းဗုံးပေါက်ကွဲမှုကြောင့် လူထိခိုက်ဒဏ်ရာရရှိတာမရှိဘူးလို့သိရပြီး ရထားသံလမ်းပိူင်းအချို့တော့ ပျက်စီးမှုရှိခဲ့တယ်လို့သိရပါတယ်။
Public Service Announcement
အဲဒီရထားသံလမ်းကို လက်ရှိမှာတော့ ပြည်သူတွေတင်ဆောင်ပြီး မောင်းနှင်တဲ့ ရထားတွေဖြတ်သန်းသွားလာခြင်းမရှိပေမယ့် စစ်ကောင်စီက ကျောက်သယ်ဆောင်ခြင်း ၊လက်နက်ပို့ဆောင်သယ်ယူခြင်းတွေလုပ်ရာမှာ အသုံးပြုနေတယ်လို့သိရပါတယ်။
ရထားသံလမ်းဖောက်ခွဲခံရပြီးနောက် စစ်ကောင်စီတပ်ဖွဲ့ဝင်တွေဟာ ရထားသံလမ်းအနီးရှိလမ်းမနေရာတွေမှာ စစ်ဆေးမှုတွေပြုလုပ်နေပါတယ်။
ပြီးခဲ့တဲ့ စက်တင်ဘာလကုန်ပိုင်းတုန်းကလည်း ယခုပေါက်ကွဲခဲ့တဲ့ ရထားသံလမ်းနေရာနားမှာပဲ ပေါက်ကွဲမှုဖြစ်ပွားခဲ့ပါသေးတယ်။
