မြန်မာ့စီးပွားရေးတိုးတက်နှုန်းကို ၆လအတွင်း ၃ ဒသမ ၈ ရာခိုင်နှုန်းရှိအောင် ဆောင်ရွက်မည်ဟု အကြမ်းဖက်စစ်ခေါင်းဆောင်မင်းအောင်လှိုင်က မျှော်မှန်းထားသည်။
ထိုသို့ခန့်မှန်းချက်ကို အကြမ်းဖက်စစ်ခေါင်းဆောင် လက်မှတ်ထိုးထုတ်ပြန်သည့် ၂၀၂၁-၂၀၂၂ဘဏ္ဍာနှစ်အတွက် ကြားကာလ ၆လတာ အတွက်ရေးဆွဲထားသည့်အမျိုးသားစီမံကိန်းဥပဒေတွင် ဖော်ပြထားသည်။
စစ်အာဏာသိမ်းမှုကြောင့် နိုင်ငံ့စီးပွားရေးသည် ၁၈ ဒသမ၄ရာခိုင်နှုန်းကျဆင်းမည်ဟု အာရှဖွံဖြိုးရေးဘဏ်က သတ်မှတ်ထားချိန်တွင် အကြမ်းဖက်စစ်ခေါင်းဆောင်က အခုလို နိုင်ငံရေးစီးပွားရေးမည်ဟု ခန့်မှန်းထားခြင်း ဖြစ်သည်။
အာဏာသိမ်းစစ်ခေါင်းဆောင်က ကုန်ထုတ်လုပ်ကဏ္ဍတွင် ၄ ဒသမ ၉ ရာခိုင်နှုန်းနှင့် ငွေကြေးကဏ္ဍတွင် ၁၂ ရာခိုင်နှုန်းကျော်တိုးတက်ရန် ခန့်မှန်းထားသည်။
Public Service Announcement
စိုက်ပျိုးရေးကဏ္ဍတွင် ၂ ဒသမ ၃ရာခိုင်နှုန်းတိုးတက်ရန်လည်း ၎င်းကခန့်မှန်းထားသည်။
သို့သော်လည်း ဆက်သွယ်ရေးကဏ္ဍတွင် ၇ ဒသမ ၄ ရာခိုင်နှုန်းလျော့ကျအောင် ဆောင်ရွက်မည်ဟု အာဏာသိမ်း စစ်ခေါင်းဆောင်က ဆိုထားသည်။
အာရှဖွံဖြိုးရေးဘဏ်(ADB)၏ စက်တင်ဘာထုတ်ပြန်သည့် အစီရင်ခံစာတွင် မြန်မာနိုင်ငံ၏ စီးပွားရေးကျဆင်းနှုန်းသည့် ၁၈ ဒသမ ၄ ရာခိုင်နှုန်းရှိပြီး ငွေကြေးဖောင်းပွမှုက ၆ ဒသမ ၂ ရာခိုင်နှုန်းရှိမည်ဟုဆိုထားသည်။ စစ်အာဏာသိမ်းမှုကြောင့် မြန်မာနိုင်ငံတွင် ကဏ္ဍအားလုံးတွင် ကျဆင်းနေပြီး ကုန်ထုတ်လုပ်မှုတွင် ၂၆ ဒသမ ၄ ရာခိုင်နှုန်းကျဆင်းမည်ဟု ADBက ဆိုထားသည်။
အကြမ်းဖက်စစ်ခေါင်းဆောင်က အရပ်သားအစိုးရလက်ထက်တွင်ပြောင်းလဲခဲ့သည့် ဘဏ္ဍာနှစ်ကာလသတ်မှတ်ချက်ကို ပြန်လည်ပြောင်းလဲနေခြင်းဖြစ်သည်။
အရပ်သားအစိုးရလက်ထက်တွင် တင်ဒါလုပ်ငန်းများ အဆင်ပြေစေရန် အောက်တိုဘာ ၁ ရက်မှ စက်တင်ဘာ ၃၀ရက်အထိသတ်မှတ်ခဲ့သည်။ ထိုသတ်မှတ်ချက်အစား အာဏာသိမ်းစစ်ခေါင်းဆောင်က ဘဏ္ဍာနှစ်ကို ဧပြီ ၁ရက်မှ မတ် ၃၁ရက် အထိပြောင်းလဲရန် စီစဉ်နေခြင်းဖြစ်သည်။ ထိုသိုပြောင်းလဲရန်အတွက် ကြားကာလ ခြောက်လ ဘတ်ဂျတ်ကို အကြမ်းဖက်စစ်ခေါင်းဆောင်က သတ်မှတ်ခဲ့ခြင်းဖြစ်သည်။
