မန္တလေးမြို့ ချမ်းအေးသာစံမြို့နယ်မှာ ဒီနေ့အောက်တိုဘာလ ၈ ရက် ညပိုင်း ၈ နာရီခန့်က အပြန်အလှန်ပစ်ခတ်မှုဖြစ်ပွားခဲ့ပြီး ထိခိုဒဏ်ရာရသူရှိခဲ့ပါတယ်။
မဟာအောင်မြေမြို့နယ် ၆၂လမ်း နဲ့ ၃၈လမ်းမှာ စစ်ကောင်စီလက်အောက်ခံ ရဲတပ်ဖွဲ့ နဲ့ ဆိုင်ကယ်စီးအမျိုးသားတို့ အပြန်အလှန်ပစ်ခတ်မှုဖြစ်ပွားခဲ့တာလို့သိရပါတယ်။
အဲဒီပစ်ခတ်မှုမှာ ရဲတပ်သားတစ်ဦးဒဏ်ရာရခဲ့တယ်လို့သိရပါတယ်။
ဒီပစ်ခတ်မှုမဖြစ်ခင် ည ၇ နာရီလောက်က ၆၂လမ်း ၃၈လမ်းနဲ့ ၃၉လမ်းကြားမှာ ဗုံးပေါက်ကွဲမှုဖြစ်ပွားခဲ့ပါတယ်။
ဒါ့အပြင် ညနေပိုင်းမှာလည်း ယာဉ်ထိန်းတပ်ဖွဲ့ ၁၄ရုံးအနီးမှာပေါက်ကွဲမှုဖြစ်ခဲ့တယ်လို့သိရပါတယ်။
