စစ်ကိုင်းတိုင်း မုံရွာမြို့ အမှတ် (၂) ရဲစခန်းကို ယမန်နေ့ညက ဗုံးဖြင့်ပစ်၍ တိုက်ခိုက်ခဲ့ရာအကြမ်းဖက် စစ်ကောင်စီတပ်ဖွဲ့ဝင် နှစဦးသေဆုံးကြောင်း PDF – South Monywa က သတင်းထုတ်ပြန်သည်။
အောက်တိုဘာ ၁၁ရက်ည ၁၁ နာရီက မုံရွာမြို့ပေါ်ရှိ အမှတ်( ၂) ရဲစခန်းအား လက်ပစ်ဗုံးဖြင့် ပစ်သွင်းတိုက်ခိုက်ခဲ့ရာ အကြမ်းဖက်စစ်ကောင်စီတပ်သား နှစ်ဦးသေဆုံးပြီး ထိခိုက်ဒဏ်ရာရရှိမှုအခြေအနေ မသိရသေးကြောင်း မုံရွာ PDFက အသိပေးသည်။
PDFဘက်ကမူ ရဲဘော်တစ်ဦး၏ ခြေထောက်အနည်းငယ် ပွန်းပဲ့ဒါဏ်ရာ (မစိုးရိမ်ရ) ရရှိခဲ့သည်ဟု မုံရွာ PDFက အသိပေးသည်။
ထို့အပြင် ရဲစခန်း ဗုံးမပေါက်ကွဲမီကလည်း မုံရွာမြို့၏ အဓိကကျသောနေရာများဖြစ်သောဇောတိက ကားလေးကွင်း၊ ဗိုလ်တေဇလမ်းများ၌ အသံဗုံးများ လိုက်လံခွဲခဲ့ကြောင်း၊ အသံဗုံးစစ်ဆင်ရေး၌ ကျွန်ုပ်တို့ဘက်မှ ထိခိုက်မှု လုံး၀ မရှိကြောင်း လည်း ဖော်ပြထားသည်။
Public Service Announcement
မိဘပြည်သူများအနေဖြင့် မလိုအပ်ဘဲ အိမ်အပြင်မထွက်ခြင်း၊ စစ်သား ရဲသားများအနီး မသွားရောက်ခြင်း၊ CCTV ကင်မရာများအား ပြင်ပသို့ လှည့်မထားခြင်း၊ Online Social Media များပေါ်သို့ ပျောက်ကြားလှုပ်ရှားနေမှုသတင်းများ လက်လွတ် စပယ်မတင်ခြင်းများဖြင့် တော်လှန်ရေးတွင် ပူးပေါင်းပါဝင် ကူညီပေးကြရန် PDF – South Monywa က မေတ္တာရပ်ခံသည်။
