အကြမ်းဖက်စစ်ကောင်စီနှင့်ဆက်နွယ်နေသည့် စီးပွားရေးလုပ်ငန်းများကို အရှိန်အဟုန်မြင့် တိုက်ခိုက်မည်ဖြစ်သောကြောင့် လုပ်ငန်းရှင်များအနေဖြင့် ယင်းအဖွဲ့အစည်း၏ ထုတ်ကုန်များကို ဝယ်ယူဖြန့်ဖြူးခြင်းမလုပ်ရန် ပြည်မြို့မြေအောက်ပျောက်ကျားတပ်ဖွဲ့က သတိပေးလိုက် သည်။
ပြည်မြို့ ရှိ အကြမ်းဖက် စစ်ကောင်စီပိုင် ထုတ်ကုန်များအားဝယ်ယူဖြန့်ဖြူးနေသော လုပ်ငန်းရှင် များအား အသိပေးကြေညာချက် ဆိုသည့် ခေါင်းစဥ်ဖြင့် ၎င်းတို့အဖွဲ့၏ ဖေ့စ်ဘွတ်ခ်၌ အောက်တိုဘာ ၁၃ ရက် မနက်က ကြေညာခဲ့ခြင်းဖြစ်သည်။
အကြမ်းဖက်စစ်ကောင်စီသည် အပြစ်မဲ့ပြည်သူများကို ဖမ်းဆီး၊ နှိပ်စက်၊ သတ်ဖြတ်နေသောကြောင့် စစ်ကောင်စီပိုင် ထုတ်ကုန်များအားဝယ်ယူမဖြန့်ဖြူး မသုံးစွဲကြရန် တိုက်တွန်းထားသည်။
PUGF အဖွဲ့အနေဖြင့် ပြည် PDF များနှင့်အတူ စစ်ကောင်စီနှင့်ဆက်နွယ်နေသော စီးပွားရေးလုပ်ငန်းများ၊ ဒလန်များအား အရှိန်အဟုန်မြင့် တိုက်ခိုက်သွားမည်ဖြစ်ဟု အသိပေးထားသည်။
Public Service Announcement
ယနေ့ နံနက်တွင် ပြည်မြို့ နဝင်းရပ်ကွက် ရတနာလမ်းရှိ MyTel တာဝါတိုင်ကို PUGF အဖွဲ့က ဖောက်ခွဲဖျက်ဆီးခဲ့ကြောင်း သတင်းထုတ်ပြန်ထားသည်။
