ကလေးမြို့နယ်မှ အကြမ်းဖက်စစ်ကောင်စီ၏ အထွေထွေအုပ်ချုပ်ရေးဦးစီးဌာနဝန်ထမ်းများနှင့် လစ်လပ်နေရာများတွင် လျှောက်ထားသူများအနေဖြင့် စစ်ကောင်စီယန္တရားလည်ပတ်ရေးဆက်လုပ်နေပါက သုတ်သင်ပစ်မည်ဟု PDF(Kalay)က သတိပေးချက်ထုတ်ပြန်သည်။
အကြမ်းဖက်စစ်ကောင်စီ၏ အဓိကယန္တရားဌာနကို ဖြိုချရေး ၎င်းတို့၏အစီအစဥ်ကို PDF(Kalay)က အောက်တိုဘာ ၁၄ရက်တွင် ထပ်မံထုတ်ပြန်ခြင်းဖြစ်သည်။
မင်းအောင်လှိုင်ဦးဆောင်သော အကြမ်းဖက်စစ်ကောင်စီ၏ အဓိကထောက်တိုင်ဖြစ်သည့် ရပ်ကွပ်ကျေးရွာအုပ်စု၊မြို့နယ်နှင့်ခရိုင် အထွေထွေအုပ်ချုပ်ရေးဦးစီးဌာနတွင် လစ်လပ်နေသည့်နေရာများ၌ ဝန်ထမ်းများခန့်အပ်ကာ ယန္တရားလည်ပတ်ရေး ကြိုးစားနေကြောင်း၊ လစ်လပ်နေသည့်နေရာများတွင် အသစ်ခန့်ဝန်ထမ်းအဖြစ် တာဝန်ထမ်းဆောင်ရန် လျှောက် ထားသူနှင့် ခန့်အပ်ခံရသူများ၏အမည်စာရင်းများ အတိ အကျ ရရှိထားသည်ဟုPDF(Kalay)က ဖော်ပြထားသည်။
အာဏာရူးမင်းအောင်လှိုင်၏လက်ပါးစေအဖြစ် ဆက်လက်ဆောင်ရွက်သွားမည်ဆိုပါက မိမိတို့ PDF(Kalay)အနေဖြင့် ပြတ်ပြတ်သားသား သုတ်သင်ချေမှုန်းသွားမည်ဖြစ်ကြောင်း ပြင်းထန်စွာသတိပေးလိုက်သည်ဟု ထုတ်ပြန်ချက်တွင်ပါရှိသည်။
Public Service Announcement
Facebook စာမျက်နှာမှတစ်ဆင့် PDF(Kalay)၏ အထက်ပါ သတင်းထုတ်ပြန်ချက်အောက်တွင် ပြည်သူတစ်ဦးက အောက်ပါအတိုင်း မှတ်ချက်ပြုထားသည်။
” စကစ ရဲ့ ယန္ဒရားကို ဖြိုဖျက်နိုင်တဲ့အလွယ်ကူဆုံး နည်းလမ်းကတော့မြို့နယ်မှာရှိတဲ့ စကစလက်အောက်ခံ မြန်မာ့စီးပွား ရေးဘဏ်ကို တော်လှန်ံရေးကာလအတွင်း ယာယီပိတ်ထားနိုင်ပါက အဲ့မြို့မှာရှိတဲ့ဌာနဆိုင်ရာအားလုံး လှည်ပါတ်မူ့ရပ်တန့်သွားပါလိမ့်မယ်။ဌာနတိုင်းမှာရှိတဲ့ Non CDMဝန်ထမ်း/ ရဲ /စစ်/ထွေအုပ် စတဲ့ ဝန်ထမ်းတွေထံ လစဉ် စီးဝင်းနေတဲ့အသုံးစရိတ်ငွေကြေးများဟာ ဒီမြန်မာ့စီးပွားရေးဘဏ်တွေကပဲထုတ်ပေးနေခြင်းဖြစ်ပါတယ်။ဒါ့အပြင် သက်ဆိုင်ရာဌာနအသီးသီးကနေ ရရှိလာတဲ့ အခွန်အခဝင်ငွေများကိုလဲ မြန်မာ့စီးပွားရေးဘဏ်မှတဆင့် စကစအကြမ်းဖက်အစိုးရထံ
စီးဝင်သွားခြင်းဖြစ်ပါတယ်။ ဒါကြောင့်မြန်မာ့စီးပွားရေးဘဏ်တွေဟာ စကစယန္ဒရားကို သက်ဆိုးရှည်စေမဲ့ အဓိကအကျဆုံးဌာနတစ်ခုဖြစ်၍နေခြင်းပါ”ဟု မှတ်ချက်ပြုထား သည်။
