ဝက်လက်မြို့နယ် ရှိမ်းမကားကျေးရွာမှ စစ်ကောင်စီ သတင်းပေး ဒလန်လင်မယားနှစ်ဦးဖြစ်သော သိန်းတန်နှင့် ရီသန့်တို့အား သုတ်သင်ရှင်းလင်းခဲ့သည်ဟု ဝက်လက်မြို့နယ် ပြည်သူ့ကာကွယ်ရေးတပ်က အသိပေးသည်။
အောက်တိုဘာ ၁၄ရက် နေ့လည်က ဝက်လက်-ရှိမ်းမကား လမ်းတစ်နေရာတွင် သေနတ်အသုံးပြုပြီး ပစ်သတ်ခဲ့ကြောင်း သိရသည်။
“ဝက်လက်မြို့နယ်အတွင်းမှာ ကျန်နေသေးတဲ့ စကစကျွန်ခံနေသူတွေကို ဒီလုပ်ရပ်ကနေ ထပ်သတိပေးလိုတယ်။ဝက်လက်မြို့က ကျဉ်းကျဉ်းလေးမို့ ဖောင်းဒိုင်းမစားချင်လျှင် ပြည်သူများနှင့် အမြန်ဆုံးပူးပေါင်းပေးကြပါ”ဟု ပြည်သူ့ကာကွယ်ရေးတပ်မှ တာဝန်ရှိသူတစ်ဦးက ပြောသည်။
အကြမ်းဖက်စစ်ကောင်စီ၏ စာရင်များအရ တစ်နိုင်ငံလုံးတွင် ၎င်းတို့လက်အောက်ခံအုပ်ချုပ်ရေးမှူး အပါအဝင် စစ်ကောင်စီသတင်းပေးအသတ်ခံရမှု အရေအတွက် ၄၀၀ ကျော်ရှိကြောင်းသိရသည်။
Public Service Announcement
ထို့အပြင် ဖေဖော်ဝါရီ၁ရက်နောက်ပိုင်း စစ်ကောင်စီခန့် အုပ်ချုပ်ရေးမှူးများအဖြစ်မှ နှုတ်ထွက်သူ အနည်းဆုံး ၃၆၆ ဦးရှိကြောင်း Data For Myanmarက အောက်တိုဘာ ၁၂ ရက်က ထုတ်ပြန်ခဲ့သည်။
နှုတ်ထွက်ကြသော အုပ်ချုပ်ရေးမှူးများအနက် စစ်ကိုင်းတိုင်းမှာ ၁၆၂ ဦးဖြင့် အမြင့်ဆုံးဖြစ်နေပြီးရန်ကုန် နှင့် မကွေးတိုင်းတို့တွင်လည်း နှုတ်ထွက်သူများ တိုးလာနေသည်ဟု စစ်တမ်းကဆိုသည်။
