အကြမ်းဖက်စစ်ကောင်စီ၏ စစ်ရေးပစ်မှတ်များကို စစ်ဘက်ဆိုင်ရာ ကျင့်ဝတ်စည်းမျဉ်းများနှင့်အညီ ခုခံတွန်းလှန်တိုက်ခိုက်မှုများနှင့် ပတ်သက်သည့်အသေးစိတ် သတင်းအချက်အလက်များကို ပြည်သူလူထု သိရှိစေရန် ဆက်လက်ထုတ်ပြန် ကြေညာပေးသွားမည်ဖြစ်ကြောင်း ရန်ကုန်တိုင်းစစ်ဒေသခွဲကွပ်ကဲရေးအဖွဲ့က ယနေ့(အောက်တိုဘာ၁၄) အသိပေးသည်။
အမျိုးသားညီညွတ်ရေးအစိုးရ ယာယီသမ္မတကြီး ဒူဝါလရှီးလက ၂၀၂၁ ခုနှစ် စက်တင်ဘာ ၇ ရက်မှ စတင်ပြီး နိုင်ငံတော်အရေးပေါ်အခြေအနေ ကြေညာပြီးနောက် အကြမ်းဖက်စစ်ကောင်စီ၏ ပြည်သူလူထုအပေါ် ဖိနှိပ်ရက်စက်မှုများကို ရန်ကုန်တိုင်းဒေသကြီးအတွင်းတွင် ထိရောက်စွာ ခုခံ တွန်းလှန်ကာကွယ်ပေးနိုင်ရန်အလို့ငှာ ကာကွယ်ရေးဝန်ကြီးဌာနသည် ရန်ကုန်တိုင်းစစ်ဒေသခွဲကွပ်ကဲ ရေးအဖွဲ့ကို စက်တင်ဘာအတွင်း၌ ဖွဲ့စည်းပေးခဲ့သည်ဟုဆိုသည်။
ရန်ကုန်တိုင်းစစ်ဒေသခွဲကွပ်ကဲရေးအဖွဲ့သည် စတင်ဖွဲ့စည်းချိန်မှစ၍ အကြမ်းဖက်စစ်ကောင်စီ ၏ စစ်ရေးပစ်မှတ်များကို ခုခံတွန်းလှန်တိုက်ခိုက်ရာတွင် ကာကွယ် ရေးဝန်ကြီးဌာနမှ ချမှတ်ထားသည့် စစ်ဘက်ဆိုင်ရာ ကျင့်ဝတ်စည်းများနှင့်အညီ လိုက်နာဆောင်ရွက်စေရေးအတွက် ထိန်းကွပ်ကြပ်မတ်ပေးခြင်းလုပ်ဆောင်ခဲ့ကြောင်း ဖော်ပြသည်။
ထို့ပြင် ထိရောက်သည့် စစ်ရေးဆိုင်ရာ ပစ်မှန်များသတ် မှတ်၍ စစ်ရေးစီမံချက်များချမှတ်ကာ အကြမ်းဖက်စစ်ကောင်စီတပ်များကို ခုခံတွန်းလှန်ခြင်း၊ ကာကွယ်ရေး ဝန်ကြီးဌာန ရန်ကုန်တိုင်းစစ်သေခွဲကွပ်ကဲရေးအဖွဲ့ လက်အောက်ရှိ စစ်ဆင်ရေးဆောင်ရွက်နေသည့် အဖွဲ့များအကြားပေါင်းစပ်ညှိနှိုင်းပေးခြင်းများကို ဆောင် ရွက်လျက်ရှိကြောင်း အသိပေးထားသည်။
Public Service Announcement
