အရာတော်မြို့နယ်တွင် အကြမ်းဖက်စစ်တပ်ကိုသုံးကြိမ်ထိမိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၁၀ ဦးထက် မနည်းသေဆုံးပြီး ၃၀ ဦးခန့် ဒဏ်ရာရရှိနိုင်ကြောင်းအရာတော်မြို့နယ် တော်လှန်ရေးအင်အားစု (ARA)မှ ဗိုလ်ပေါက်စီက ပြောသည်။
ယနေ့ (အောက်တိုဘာ ၁၅ ရက်) နံနက်ပိုင်းက နောင်ကြီးအိုင်လမ်းပေါ်တွင် ချီတက်သွားလာနေသော အကြမ်း ဖက်စစ်ကောင်စီတပ်ဖွဲ့များ၏ စစ်ကြောင်းကိုတိုက်ခိုက်ခဲ့ခြင်းဖြစ်ကြောင်း ARA က ထုတ်ပြန်သည်။
“ပထမတစ်ခါတုန်းက သိပ်မထိလိုက်ပေမယ့် နောက်နှစ်ခါကျ ဒီကောင်တွေ အမိအရပဲ။ ခွဲလိုက်တဲ့နေရာမှာလည်း အတုံးအရုံးလဲသွားကြတယ်။ ခဏနေတော့ အရာတော်က ပေါင်မုန့်ကားတစ်စီးနဲ့ လူနာတင်ကားတစ်စီးလာပြီး သယ်ရတယ်။ အသေအပျောက်ကတော့ ၁၀ယောက်ထက်မနည်းလို့ ခန့်မှန်းရတယ်၊ ဒဏ်ရာရတာကိုက စခအယောက် ၃၀လောက်ရှိတယ်”ဟု ဗိုလ်ပေါက်စီက ပြောသည်။
ပထမတစ်ကြိမ်ဖောက်ခွဲမှုကို နံနက်၆ နာရီခန့်က ကြာပင်လှနှင့် ပါရမီကြားတွင် ခြေလျင်တက်လာသောစစ်ကောင်စီတပ်ကို ARAမှ ဗိုလ်လျှပ်စီးနှင့်အဖွဲ့က မိုင်းဆွဲတိုက်ခိုက်ခဲ့သည်။
Public Service Announcement
ဒုတိယအကြိမ် ဖောက်ခွဲမှုကို နံနက်၈ နာရီခန့်က ရဲချင်းနှင့် မကျီးကန်ကြားရောက်နေသော စစ်ကောင်စီတပ်၏စစ်ကြောင်းကို ARA ၏ မီးခဲအဖွဲ့က မိုင်းဆွဲတိုက်ခိုက်ခဲ့ရာ ပြင်း ပြင်းထန်ထန်ထိခိုက်သွားသောစစ်တပ်ကဒဏ်ရာရသူများကို တွဲခေါ်ပြီး ဆက်လက်ထွက်ခွာခဲ့သည်ဟု ဗိုလ်ပေါက်စီက ဆိုသည်။
တတိယအကြိမ်မှာ နံနက်နာရီခွဲခန့်ကရဲချင်းနှင့် မကျီးကန်ကြားတွင်ရှိနေသေးသော စစ်ကောင်စီတပ်စစ်ကြောင်းကိုပင် မီးခဲအဖွဲ့က ထပ်မံမိုင်းဆွဲတိုက်ခိုက်ခဲ့ရာ ရန်သူများ ဆိုးဆိုးရွားရွားထိခိုက်ခဲ့သည်ဟုARAက ဆိုသည်။
