ပုသိမ်မြို့တွင် စစ်ကောင်စီသတင်းပေးဟုလူသိများသူ တစ်ဦး အောက်တိုဘာ၁၄ ရက်ညက သေနတ်ဖြင့်သုံးချက်ပစ်သတ်ခံလိုက်ရသည်။
ပုသိမ်မြို့ (၈)ရက်ကွက်တွင်နေထိုင်သည့် စစ်ကောင်စီသတင်းပေးဟုဆိုသူ အောင်စိုးအား ဆိုင်ကယ်စီးလာသူအချို့က အောက်တိုဘာ ၁၄ ရက်ညတွင် သေနတ်ဖြင့် သုံးချက်ပစ်၍ သတ်ဖြတ်ခဲ့ခြင်းဖြစ်ကြောင်း ဒေသခံများက ပြောသည်။
“သေတဲ့သူက ကြံ့ခိုင်ရေးပါတီစည်းရုံးရေးမှူး။ စစ်ခွေးနဲ့ပေါင်းနေတဲ့ကောင်”ဟု ဒေသခံတစ်ဦးက ပြောသည်။
၎င်းအသတ်ခံရပြီးနောက် ယမန်နေ့(အောက်တိုဘာ ၁၅)တွင် စစ်ကောင်စီတပ်ဖွဲ့ဝင်များက မြို့တွင်း၊ မြို့ပြင်နေရာများတွင်စောင့်၍ ပြည်သူလုထုကို စစ်ဆေးမှုများပိုမို ပြုလုပ်နေသည်။
Public Service Announcement
“စစ်ဆေးနေတဲ့ကောင်တွေ ကြည့်ရတာ တစ်ယောက်မှ ထောင့်မကျိုးဘူး။ လမ်းတွေကို ပိတ်ဆို့စစ်နေတာ တော်တော် အာရုံနောက်စရာကောင်းတယ်”ဟု ဒေသခံတစ်ဦးက ပြောသည်။
