စစ်ကိုင်းတိုင်း မြောင်မြို့ပေါ်သို့ အင်အားဖြည့်ရန်လာသည့် စစ်ကောင်စီယာဉ်သုံးစီးကို မိုင်းခွဲတိုက်ခိုက်ခဲ့ရာ ယာဉ်နှစ်စီးထိခိုက်သွားကြောင်း မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့က သတင်းထုတ်ပြန်သည်။
အောက်တိုဘာ ၁၆ရက် နံနက် ၉နာရီခွဲခန့်တွင် ကင်းလမ်းခွဲမှ ဝင်လာသည့် စစ်ကားသုံးစီးကို ပဒေသာမိုင်း သုံးလုံးတွဲဖြင့် တိုက်ခိုက်ခဲ့ခြင်းဖြစ်ကြောင်း၊ စစ်ကား နှစ်စီး စုတ်ပြန်ခါရမ်းသွားကြောင်း၊ ကျန်ကားပေါ်မှ လက်နက်ငယ်များဖြင့် ရမ်းသမ်းပစ်ခတ်နေ၍ ဆုတ်ခွာလာခဲ့ကြောင်း ဖော်ပြထားသည်။
အဆိုပါတိုက်ခိုက်မှုကြောင့် စစ်ကောင်စီတပ်မှ ထိခိုက်သေဆုံးမှုစာရင်း အတိအကျမသိရသေးဟု ဆိုသည်။
ယင်းတိုက်ခိုက်မှုကို မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့၊ မြင်းခြံအခြေစိုက် (၂၇) Revolution Force နှင့် မဟာမိတ်ညီနောင်များ ပူးပေါင်းတိုက်ခိုက်ခဲ့ခြင်းဖြစ်ကြောင်း ထုတ်ပြန်ထားသည်။
Public Service Announcement
