⚪️ ဟားခါးမြို့တွင်လည်း ယနေ့မှစ၍ အင်တာနက်အဖြတ်ခံရ
ချင်းလက်နက်ကိုင်အဖွဲ့များနှင့် အကြမ်းဖက်စစ်ကောင်စီတပ်တို့ကြား တိုက်ပွဲများပြင်းထန်နေသည့် ချင်းပြည်နယ်မြောက်ပိုင်းဒေသများတွင် ဖုန်းလိုင်းများ ပြတ်တောက်နေကြောင်း ဒေသခံများကပြောသည်။
အောက်တိုဘာ ၁၆ ရက် ညနေပိုင်းက စတင်ပြီးအကြမ်းဖက်စစ်ကောင်စီက ဖုန်းလိုင်းများအားလုံးကိုဖြတ်တောက်သဖြင့် ပြတ်တောက်နေခြင်းဖြစ်ကြောင်းချင်းပြည်နယ်မြောက်ပိုင်း ဒေသခံများကပြောသည်။ ချင်းပြည်နယ် မြောက်ပိုင်းမြို့နယ်များဖြစ်သောဟားခါး၊ဖလမ်း၊ထန်တလန် တို့တွင်ယခုရက်ပိုင်း အတွင်း အကြမ်းဖက်စစ်ကောင်စီက စစ်ကြောင်းထိုးလာ၍ ချင်းအမျိုးသားတပ်ဦး(CNF)
နှင့် ချင်းဒေသကာကွယ်ရေးအဖွဲ့ (CDF)တို့ကပူးပေါင်း၍ စစ်ကောင်စီတပ်ကို တိုက်ခိုက်ကာ တိုက်ပွဲများဖြစ်ပွားနေပြီး ထိုမြို့နယ်အားလုံးတွင် ဖုန်းလိုင်းများပြတ်တောက်နေခြင်းဖြစ်သည်။ ချင်းပြည်နယ် မြောက်ပိုင်းရှိမြို့နယ်များအပြင် စစ်ကိုင်းတိုင်းရှိ ကလေးမြို့နယ်နှင့် တမူးမြို့နယ်တို့တွင်ပါဖုန်းလိုင်းများဖြတ်တောက်ခံထားရသည်။ကန်ပလက်၊မင်းတပ်၊မတူပီ၊ ပလက်ဝ စသော ချင်းပြည်နယ်တောင်ပိုင်းရှိမြို့နယ်များတွင် အင်တာနက်ပြတ်တောက်နေသော်လည်း ဖုန်းလိုင်းများ ပြတ်တောက်ခြင်းမရှိပေ။
ထိုအပြင် စက်တင်ဘာလတွင် အကြမ်းဖက်စစ်ကောင်စီက ချင်းပြည်နယ်၌အင်တာနက်ဖျက်တောက်ရာတွင်ကျန်နေခဲ့သော တစ်မြို့တည်းသောမြို့ဖြစ်သော ဟားခါးမြို့ ကိုပါ ယနေ့ ညမှစတင်ဖြတ်တောက်လိုက်ကြောင်း ဒေသခံများကပြောသည်။ ထိုကြောင့်ယခုအခါ ချင်းပြည်နယ်တစ်ခုလုံးတွင် အင်တာနက် ပြတ်တောက်သွားပြီဖြစ်သည်။ ဟားခါးမြို့နယ်နှင့်အတူ စစ်ကိုင်းတိုင်းအတွင်းမှကလေးနှင့် တမူးမြို့များကိုပါ အကြမ်းဖက်စစ်ကောင်စီက အင်တာနက်ဖြတ်တောက်လိုက်ပြီဖြစ်ကြောင်းဒေသခံများကပြောသည်။ထိုကြောင့် တနိုင်ငံလုံးအတိုင်းအတာဖြစ် အကြမ်းဖက်စစ်ကောင်စီက အင်တာနက်ဖြတ်တောက်ထားသော မြို့နယ်ပေါင်း ၂၇ ခုရှိပြီဖြစ်သည်။
Public Service Announcement
“ဟားခါးမှာ ဖုန်းလိုင်း ပြတ်နေတယ်။ တချို့နေရာမှ ဖုန်း လိုင်းတချို့ကရပေ့မယ့် MPTကတော့လုံးဝဆက်သွယ်လို့မရတော့ဘူး ”ဟု ဟားခါးမြို့ခံတစ်ဦးကPeople’s Spring သတင်းဌာနသို့ယနေညနေတွင်ပြောသည်။ သို့သော် ညပိုင်းရောက်လာသောအခါနေရာအချို့တွင်ရနေသည့် တယ်လီနောနှင့် အော်ရီဒူးဖုန်းလိုင်းများပါမရတော့ပေ။
အဆိုပါဖုန်းလိုင်းပြတ်တောက်မှုနှင့်ပတ်သတ်၍ ချင်းပြည်နယ်အကြမ်းဖက်စစ်ကောင်စီဥက္ကဌဦးငွန်ဆန်းအောင်ထံ ဆက်သွယ်သော်လည်း ဖုန်းလက်ခံဖြေကြားခြင်းမရှိပေ။
အကြမ်းဖက်စစ်ကောင်စီက စစ်အင်းအားဖြည့်တင်းမူကြောင့် ဒေသခံ ကာကွယ်ရေးတပ်များနှင့် အကြမ်းဖက်စစ်ကောင်စီ တပ်များ အောက်တိုဘာ ၁၃ ရက်ကစတင်ပြီး တိုက်များ ပြင်းထန်လာသည်။ ထန်တလန် ဒေသခံ ကာကွယ်ရေးတပ်- CDF (ထန်တလန်) က ဟားခါး-ထန်တလန်လမ်းမကြီးကို ညနေ ၅နာရီခွဲမှ မနက် ၇နာရီခွဲအထိ မည်သူမှ သွားလာခွင့်မပြုကြောင်းနှင့် သွားလာပါက အသက်အန္တရာယ် တာဝန်ယူမည်မဟုတ်ကြောင်း အောက်တိုဘာ ၁၆ ရက်တွင်ထုတ်ပြန်သတိ့ပေးထားသည်။
ဟားခါး-ဖလမ်းလမ်းမကြီးတွင် ချင်းအမျိုးသားတပ်ဦး(CNF)နှင့် ဖလမ်း၊ဟားခါးမြို့တို့မှ ဒေသခံကာကွယ်ရေးတပ်ဖွဲ့ဝင်များကပူးပေါင်း၍ အကြမ်းဖက်စစ်ကောင်စီ၏ တပ်ဖွဲ့ဝင်များကို အောက်တိုဘာ ၁၃ ရက်ကစတင်ပြီး တိုက်ခိုက်နေခြင်းဖြစ်သည်။ ထိုတိုက်ခိုက်မူကြောင့် စစ်ကောင်စီတပ်များသည် ဟားခါး-ဖလမ်းလမ်းမကြီးတွင် ပိတ်မိနေပြီး အထိ့နာနေကြောင်း ဒေသခံကာကွယ်ရေးတပ်ဖွဲ့များကပြောသည်။
ယနေ (အောက်တိုဘာ၁၆)တွင် ချင်းပြည်နယ် မြိုတော်ဟားခါး၌ မြို့အနှံပေါက်ကွဲမူများ ဖြစ်ပွားနေကြောင်းဒေသခံတစ်ဦးက ပြောသည်။ ဖလမ်းနှင့်ဟားခါးကြား ၊ထန်တလန်မြို့ ၊ ဟားခါးမြို့ ၊မတူပီမြို့စသည့် မြို့နယ်များယနေ့တိုက်ပွဲများဖြစ်ပွားနေပြီး စစ်ကောင်စီတပ်ဖွဲ့ဝင်များသေဆုံး ၊ဒဏ်ရာ ရနေကြသည်။
