ကားသုံးစီးဖြင့်သယ်လာသော အာဏာသိမ်းစစ်ကောင်စီပိုင်မြန်မာဘီယာနှင့် ဘီယာများကို ကောလင်းPDFဖျက်ဆီး

စစ်ကိုင်းတိုင်း ကောလင်းမြို့နယ်တွင် ၁၂ဘီးတွဲကားသုံးစီးပေါ်၌ တင်ဆောင်လာသော အာဏာသိမ်းစစ်ကောင်စီပိုင်မြန်မာဘီယာအပါအဝင် ဘီယာအမျိုးမျိုးအား ကောလင်း PDFမှ ဖျက်ဆီးလိုက်သည်။

အောက်တိုဘာလ ၁၇ ရက်က ကောလင်း PDFသည် ရွှေဘို မြစ်ကြီးနားလမ်းပိုင်း၌ ၁၂ ဘီး တွဲကားသုံးစီးအား စစ်ဆေးရစစ်ကောင်စီလုပ်ငန်းစုပိုင် Myanmar beerနှင့်Dagon beer ၊ Adman Gold Beer များအပြည့်တင်လာသည်ကို ဖမ်းဆီးရမိသဖြင့် KLPDF နှင် Local PDF တို့ပူးပေါင်းပြီး စစ်ကောက်စီပိုင်ထုတ်ကုန်များကိုဖျက်ဆီးခဲ့ကြောင်း အဆိုပါအဖွဲ့များက အသိပေးသည်။

ကားသမားများနှင့် ကားများကို ထိခိုက်မှုမရှိစေဘဲ လွှတ်ပေးခဲ့သည်ဟု ကောလင်း PDFက ပြောသည်။ နောက်ထပ်သော စစ်အုပ်စုပိုင်ထုတ်ကုန်များကိုလည်းအလျဥ်းသင့်လျှင် သင့်သလို ဖျက်ဆီးသွားမည်ဟု ကောလင်း PDFက အသိပေးထားသည်။