မန္တလေး-မူဆယ်ပြည်ထောင်စုလမ်းမ သီပေါလမ်းပိုင်းရှိ တံတားရဲကင်းမှ အာဏာသိမ်းစစ်ကောင်စီလက်အောက်ခံရဲတပ်ဖွဲ့မှရဲတပ်ဖွဲ့ဝင်တစ်ဦးယနေ့ညသေနတ်ဖြင့် ပစ်သတ်ခံရသည်။
သီပေါမြို့ နယ်ကျင်သီကျေးရွာရှိ ကျင်သီတံတားရဲကင်းတွင် စောင့်နေသော ရဲတပ်သားတစ်ဦးကို လူတစ်ဦးက ယနေ့ (အောက်တိုဘာလ ၁၈ ရက်) ညနေ ၄နာရီခန့်တွင်သေနတ်ဖြင့် လာရောက်ပစ်ခတ်သွားခဲ့ခြင်းဟု ဒေသခံများကပြောသည်။
ရဲသေနတ်ဖြင့် ပစ်သတ်ခံရပြီးနောက်အခင်းဖြစ်ပွားရာ အနားနီးဝန်းကျင်ကို စစ်ကောင်စီတပ်ဖွဲ့ဝင်များက လာရောက်စစ်ဆေးခဲ့သည်။သို့သော် ပစ်ခတ်သူကို ဖမ်းမိခြင်းမရှိဟု ဒေသခံများက ပြောသည်။