အပြစ်မဲ့ပြည်သူများလွတ်မြောက်လာမှုအား ကြိုဆိုသည့်အနေဖြင့် ဗုံးနှစ်လုံးဖောက်ခွဲ
မကွေးတိုင်း ရေစကြိုမြို့နယ်တွင် စစ်ကောင်စီတပ်သားများအား ၁၂ ဘီးယာဥ်ပေါ် မိုးကာအုပ်သယ်ဆောင်လာစဥ် ရေစကြို PDF အဖွဲ့မှ မိုင်းခွဲတိုက်ခိုက်ခဲ့ကြောင်း ဒေသခံများက ပြောသည်။
ယနေ့(အောက်တိုဘာ၁၉ရက်)နံနက် ၉နာရီခန့်က စစ်သားနှင့်ရဲများအား မိုးကာနက်အုပ်၍ ခိုးဝှက်တင် ဆောင်လာသော ( ၁၂) ဘီးကားတစ်စီးအားသတင်းရလျှင်ရခြင်း အလျင်အမြန် ချောင်းဦး-ရေစကြိုကား
လမ်း ရေစကြိုမြို့နယ် အောင်မိုးလမ်းခွဲအနီးတွင် မိုင်းဆွဲတိုက်ခိုက်ခဲ့ကြောင်း ရေစကြို PDF အဖွဲ့က အသိပေးသည်။
ကားပေါ်တွင်လိုက်ပါလာသည့် စစ်သားရဲသားများ ထိ ခိုက်မှုရှိနိုင်ပြီး မိုင်းထိထားသော ကားမှာဝရုန်းသုန်းကား မောင်းပြေးသွားကြောင်း ရေစကြို PDFက ပြောသည်။
Public Service Announcement
အခင်းမဖြစ်ပွားမီ နံနက် ၇ နာရီခန့်မှစတင်ကာ ချောင်းဦး-ရေစကြို ကားလမ်း အောက်အိုရွာတွင် စစ်သားနှင့်ရဲများ ရောက်ရှိနေပြီး ကားလမ်းပေါ်တွင်နေရာယူထားခဲ့ကြောင်း ဒေသခံတစ်ဦးက ပြောသည်။
“ပေါက်ကွဲသံကြီးတော့ ကြားလိုက်တယ်။ မြေတောင်တုန်နေတာ။ ဘာလဲတော့မသိဘူး”ဟု ဒေသခံတစ်ဦးကပြောသည်။
ရေစကြိုမြို့အဝင်တွင် ဗုံးနှစ်လုံးလည်း ပေါက်ကွဲခဲ့ပြီး အဆိုပါ ပေါက်ကွဲမှုမှာ စစ်ကောင်စီ၏ မတရားဖမ်းဆီးခြင်းခံရပြီး ပြန်လည်လွတ်မြောက်လာသော ရေစကြိုမြို့မှ အပြစ်မဲ့ပြည်သူများ ရေစကြိုမြို့သို့ ပြန်လည်ရောက်ရှိလာခြင်းအား People Defense Force Yesagyo မှ ဗုံးခွဲပြီး ကြိုဆိုခြင်းဖြစ်ကြောင်း၊ မလွတ်မြောက်သေးသော အပြစ်မဲ့ ပြည်သူများလွတ်မြောက်ရေးနှင့် စစ်အာဏာရှင်အမြစ်ပြုတ်ရေး အဆုံးတိုင်တိုက်ပွဲဝင်သွားမည်ဖြစ်ကြောင်း ရေစကြို PDFအဖွဲ့က အသိပေးသည်။
