စစ်ကိုင်းတိုင်း၊ ကန့်ဘလူမြို့နယ်တွင် အကြမ်းဖက် စစ်ကောင်စီလက်အောက်ခံများအား ၎င်းတို့အသက်ကို အာမ မခံနိုင်တော့ကြောင်း ကန့်ဘလူ UG က သတိပေးသည်။
ကန့်ဘလူမြို့နယ်အတွင်း အကြမ်းဖက်စစ်ကောင်စီအုပ်ချုပ်ရေးယန္တရား၏ အခြေခံအကျဆုံးထောက်တိုင်များဖြစ်သော ရပ်ကွက်၊ ကျေးရွာအုပ်စု အုပ်ချုပ်ရေးမှူးများအားလုံး ယခုချိန်မှစ နှုတ်ထွက်ကြရန်၊ အပြစ်မဲ့ ပြည်သူများကို အခြေအမြစ် မရှိသော အကြောင်းပြချက်များဖြင့် တိုင်တန်း၍ ဖမ်းဆီးခိုင်းနေသော ဒလန်များ မိမိတို့၏ အောက်တန်းကျသော လုပ်ရပ်များကို ရပ်တန်းကရပ်ရန်၊ ထို့အပြင် စစ်ကောင်စီကို အထောက်အကူပေးနေသည့် စစ်ကောင်စီ ဘက်တော်သား ရုံး၀န်ထမ်းများ အစရှိသူတို့၏ အသက်များအား အာမ မခံနိုင်ကြောင်း ကန့်ဘလူ UG အဖွဲ့က သတိပေးလိုက်သည်။
လိုက်နာရန်ပျက်ကွက်ပါက KBU-UG မှအကြမ်းဖက်စစ်ကောင်စီ၏ထောက်တိုင်များ အဖြစ်သတ်မှတ်၍ ချေမှုန်းသွားမည်ဖြစ်ကြောင်း ကန့်ဘလူUG က သတိပေးထုတ်ပြန်ထားသည်။
