Connect with us

Hi, what are you looking for?

LuduNwayOo

News

ပြစ်ဒဏ်လွတ်ငြိမ်းခွင့်ဖြင့် လွှတ်ပေးသူများကို စစ်ကောင်စီက ပြန်လည်ဖမ်းဆီးမှု ဖြစ်စဉ်များပြား

မကွေး၊ မုံရွာ၊ မိတ္ထီလာ၊ သာစည်၊ ရန်ကုန်၊ ထားဝယ်နှင့် ပွင့်ဖြူတို့တွင် လွှတ်ပေးသူများကို ပြန်လည် ဖမ်းဆီးခြင်းများရှိနေသည်ဟု သတင်းဌာနများက ဖော်ပြထားသကဲ့သို့ဒေသခံအချို့ကလည်း ပြောသည်။

အာဏာသိမ်းစစ်ကောင်စီက ပြစ်ဒဏ်လွတ်ငြိမ်းခွင့်ဖြင့် ပြန်လွှတ်ပေးတဲ့သူများအား ပြန်လည်ဖမ်းဆီခြင်းကို မြို့နယ်အများအပြား၌ ပြုလုပ်နေသည်။

စစ်ကောင်စီက ၎င်းတို့ မတရားဖမ်းဆီးထားသည့် ပြည်သူများအနက် ပြစ်ဒဏ်ချ မှတ်ခံထားရသူ ၁,၃၀၀ ကျော်နှင့် တရားစွဲခံထားရသူ ၄,၃၀၀ ကျော်ကို အမှုပိတ်သိမ်း ပြန်လွှတ်ပေးလိုက်ကြောင်း ထုတ်ပြန်ခဲ့ပြီး ယခု သီတင်း ကျွတ်ကာလ၌ ပြန်လွှတ်ပေးခဲ့သည်။

သို့ရာတွင် မကွေး၊ မုံရွာ၊ မိတ္ထီလာ၊ သာစည်၊ ရန်ကုန်၊ ထားဝယ်နှင့် ပွင့်ဖြူတို့တွင် လွှတ်ပေးသူများကို ပြန်လည် ဖမ်းဆီးခြင်းများရှိနေသည်ဟု သတင်းဌာနများက ဖော်ပြထားသကဲ့သို့ဒေသခံအချို့ကလည်း ပြောသည်။

“ကျွန်တော်တို့ မြို့နယ်မှာလည်း ၅၀၅(က)နဲ့ ဆွဲထားတဲ့ ကလေးတွေရှိတယ်။ ရှိတော့ သူတို့လွတ်လာမှာစိုးတော့ ရပ်/ကျေးက စစ်ကောင်စီ ဒေါက်တိုင်တွေ အုပ်ချုပ်ရေးမှူးတွေက ဒီကလေးတွေလွတ်လာမှာကို အင်မတန်မှ ကြောက်တော့ ဒီကလေးတွေကို ထပ်ပြီး၊ စစ်ကောင်စီနဲ့ ပေါင်းပြီး နောက်ထပ်မတရား ပုဒ်မတွေတပ်တယ်။ မီးရှို့တယ်ပေါ့ မဟုတ်ဘဲ နဲ့ မီးရှို့တယ်ဆိုတဲ့ ပုဒ်မတွေတပ်ထားတယ်ပေ့ါ။ အဲဒီလို ပုဒ်မတပ်လိုက်တော့ ဒီကလေးတွေက လွှတ်လို့မရဘူးလေ” ဟု ပွင့်ဖြူဒေသခံက ပြောသည်။

Public Service Announcement

Public Service Announcement

မကွေးတွင်လည်း ကျောင်းသာတစ်ဦးကို ထောင်ဗူး၀မှ ပြန်လည်ဖမ်းဆီးသွားသည့် ဖြစ်စဉ်ရှိကြောင်း သိရသည်ဟု ၎င်းက ဆိုသည်။

“မိတ္ထီလာမှာလည်း ၁၁ယောက် အဖမ်းခံရတယ်လို့ ကြားရတာပေါ့။ မိတ္ထီလာကလွှတ်တော် ကိုယ်စားလှယ်တစ်ယောက်အပါအဝင်ပေ့ါ အဲဒါမျိုးပြန်ဆွဲသွားတာတွေရှိပါတယ်”ဟု အဆိုပါဒေသခံက ပြောသည်။

သတင်းဌာနများ၏ ဖော်ပြချက်အရ မိတ္တီလာက ရွေးကောက်ခံ အမတ် ဦးလွင်မောင်မောင် အပါအဝင် NLDပါတီဝင် ၁၁ဦးသည် လွတ်မြောက်သည့် စာရင်း၌ ပါသော်လည် အောက်တိုဘာ ၁၈ရက် ညပိုင်းက ပြန်လည်ဖမ်းဆီးခံခဲ့ရသည်ဟုဆိုသည်။

သာစည်မြို့နယ်မှာနေတဲ့ ၈၈မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဒေါ်လေးလေးနိုင်ကို လည်း လွှတ်ပြီး ပြီးချင်းဖမ်းဆီးခဲ့သည်။ အဆိုတော် အီတိုးသည်လည်း ထောင်က လွတ်ပြီး ၂၄နာရီ မပြည့်ခင်မှာ ပြန်လည်ဖမ်းဆီးခံခဲ့ရသည်။ ထားဝယ် အကျဉ်း ထောင်မှာလည်း လွှတ်ပေးသူတွေထဲက ပြန်လည်ဖမ်းဆီးခံရမှု ရှိသကဲ့သို့ ပုဒ်မ ၅၀၅(က)အမှုမှ လွတ်လာသည့် ကျောင်းသားတစ်ဦးဖြစ်သူ ကိုခန့်ဇင်ကိုသည်လည်း မုံရွာထောင်၌ပင် ပြန်လည်ဖမ်းဆီးခံရသည်ဟု ဆိုသည်။

“ကိုယ့်မှာ အပြစ်လည်းမရှိဘူး။ မတရားချုပ်နှောင်ထားတယ်။ ချုပ်နှောင်ထားပြီး လွတ်လာတော့ ဝမ်းသာရမယ် ပျော်ရမယ် မိသားစုတွေပျော်ပျော်ရွှင်ရွှင် တွေ့ဆုံရမယ့်အချိန်မှာ အခုလို ပြန်ဖမ်းသွားတယ်ဆိုတော့ ပိုပြီးတော့ စိတ်ဒဏ်ရာခံစားမှုတွေပိုပြီး ကြီးထွားလာတာပေါ့။ နဂိုရ်ကတည်းက မလွှတ်ဘူးဆိုရင် တမျိုးပေါ့” ဟု ပွင့်ဖြူဒေသခံက ပြောသည်။

(​အောက်တိုဘာ၁၉ရက်က အင်းစိန်အကျဥ်း​ထောင်​ရှေ့၌ လွတ်​မြောက်လာသူများအား ​စောင့်ဆိုင်းကြို​ဆို​နေကြသည်ကို ​တွေ့ရစဥ်၊ ဓာတ်ပုံ – CJ)

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။