မရမ်းကုန်းမြို့နယ်တွင် ယနေ့ည၌ ဓါးဖြင့်ထောက်၍ ရွှေနှင့်ကားလုယက်

ရန်ကုန်မြို့ ၊မရမ်းကုန်းမြို့နယ် ကျိုက်ဝိုင်းတွင် ယနေ့ည ကိုးနာရီအချိန်ခန့်က စာရေးကရိယာဆိုင်မှ ဆိုင်ရှင်ကို ဓားထောက်၍ လုယက်မှူဖြစ်ခဲ့ကြောင်း ယင်းမြို့နယ်၌နေထိုင်သူတစ်ဦးကပြောသည်။

“ဆိုင်နာမည်က ခိုင်သစ္စာ ၊ဆိုင်ရှင်အစ်မကြီးကို ဓားထောက်ပြီး ဝတ်ထားတဲ့ရွှေတွေလည်းပါသွားတယ်ကြားတယ်။ သူတို့ကားလည်းပါသွားတယ်တဲ့ ။ အစ်မကြီးကိုလည်း သမိုင်းလမ်းဆုံမှာကားပေါ်ကတွန်းချသွားတာ” ဟု အဆိုပါဒေသခံတစ်ဦးကပြောသည်။

အဆိုပါဆိုင်သည် စာရေးကရိယာရောင်းချသလို မိတ္တူလည်းကူးပြီး Wave Money လည်းလုပ်ကြောင်း ၎င်းကဆိုသည်။လုယက်ခံရသည့်အချိန်၌ ဆိုင်ပိုင်ရှင်အမျိုးသားက ဆိုင်ပိတ်နေပြီး ကားပေါ်၌ ရှိနေသည့် အမျိုးသမီးကို ဓားထောက်လုယက်ခြင်းဖြစ်ကြောင်း၎င်းကပြောသည်။

ယင်းလုယက်မှုနှင့်ပတ်သက်၍ လက်ရှိအချိန်အထိ ဖမ်းဆီးနိုင်ခြင်းမရှိသေးကြောင်း ၎င်းကဆိုသည်။

Public Service Announcement