ဩဂုတ်-၁၀၊၂၀၂၆။တေဇ/People’s Spring
ရန်ကုန်မြို့၊မရမ်းကုန်းမြို့နယ်မှာ ကားလမ်းဖြတ်ကူးနေစဉ် ကိုယ်ဝန်ဆောင် အမျိုးသမီးတစ်ဦး ကားတိုက်ခံရပြီး သေဆုံးသွားတယ်လို့ ဒေသခံတစ်ဦးက ပြောပါတယ်။
သေဆုံးသူအမျိုးသမီးက ကိုးမိုင်ဂေါက်ကွင်းမှာ ကယ်ရီ အလုပ်လုပ်သူဖြစ်ပြီး အိမ်အပြန်လမ်းမှာ ကားတိုက်သေဆုံးသွားတာလို့ သိရပါတယ်။
“သူ့အိမ်ကဂေါက်ကွင်းဘေးနားမှာ။ခါတိုင်းတော့ ဆိုင်ကယ် ကယ်ရီနဲ့ပြန်တာဒီနေ့မှ လမ်းလျှောက်ပြန်တာတဲ့။ လမ်းအကူးမှာ ကားတိုက်မိပြီးပွဲခြင်းပြီးဆုံးသွားတာ” လို့ ဒေသခံတစ်ဦးက ပြောပါတယ်။
Public Service Announcement
တိုက်ပြေးတဲ့ကားက မောင်းပြေးသွားပေမယ့် ဖမ်းဆီးနိုင်ခဲ့တယ်လို့ သိရပါတယ်။
အခုနောက်ပိုင်း ရန်ကုန်မြို့ရဲ့ မြို့နယ်တော်တော်များများမှာ ယာဉ်တိုက်မှုတွေ ခပ်စိတ်စိတ်ဖြစ်နေပြီး လူသေဆုံးတဲ့ ဖြစ်စဉ်တွေလည်း မကြာခဏဖြစ်နေပါတယ်။
