မန္တလေးမြို့ ချမ်းမြသာစည်မြို့နယ် မြရည်နန္ဒာအိမ်ရာအနီးမှာ စစ်ကောင်စီတပ်ဖွဲ့ဝင်တွေ တပ်စွဲထားတဲ့ ဘောလုံးကွင်းဝင်းအတွင်းကို ဗုံးနှစ်ကြိမ်ပစ်ခံရမှုဖြစ်ပွားခဲ့ပါတယ်။
ဒီနေ့မနက် ၁၁နာရီလောက်က မြရည်နန္ဒာအိမ်ရာအနီး ၄၉လမ်း ၁၁၇လမ်းနဲ့ ၁၁၈လမ်းကြားရှိ ဘောလုံးကွင်းထဲကို ဗုံးနှစ်လုံးပစ်သွားပြီး ပေါက်ကွဲမှုတွေဖြစ်ပွားခဲ့တာပါ။
အဲဒီဘောလုံးကွင်းထဲကို စစ်ကောင်စီတပ်တွေက တပ်စွဲထားသလို လုံခြုံရေးလှည့်လည်တာတွေ၊ စစ်ဆေးတာတွေပြုလုပ်နေတာဖြစ်ပါတယ်။
” ပစ်သွားတာတော့ ဟုတ်တယ်။ ပစ်တဲ့သူကိုတော့ မမိဘူး။ ၂ခါပစ်သွားတယ်။ သူတို့တွေတော့မထိလိုက်ဘူး။ ဘာလို့ဆို သူတိူ့က အဆောက်အအုံရဲ့နောက်မှာနေကြတာ။ လှမ်းပစ်တဲ့နေရာနဲ့က တော်တော်လေးလှမ်းတယ်”ဟု အနီးတွင်နေထိုင်သူတစ်ဦးကပြောပါတယ်။
Public Service Announcement
အဲဒီလိုဗုံးပစ်ခံရမှုတွေဖြစ်ပွားခဲ့တဲ့အတွက် စစ်ကောင်စီတပ်တွေဟာ ၄၉လမ်းမပေါ်မှာ စစ်ဆေးတာတွေပြုလုပ်နေပါတယ်။
ဒါ့အပြင် တပ်စွဲထားတဲ့ ဘောလုံးကွင်းအနီး ၁၁၈လမ်းနဲ့ ၄၉လမ်းမကို အသွားအလာ ပိတ်ထားလိုက်ပြီဖြစ်ပါတယ်။
ပြီးခဲ့တဲ့လပိုင်းကလည်း မြရည်နန္ဒာအိမ်ရာဝင်းအတွင်းရှိ မိုင်တဲလ်တာဝါတိုင် သုံးခုဖောက်ခွဲခံရမှုဖြစ်ပွားခဲ့ပါတယ်။
