ဝင်ပေါက်ထွက်ပေါက်တွေကို ပိတ်ဆို့ပြီး နာရီနဲ့ချီကာ တစ်ခန်းဝင် တစ်ခန်းထွက် စစ်ကောင်စီတပ်ဖွဲ့ဝင် စစ်ဆေးခဲ့တဲ့ မန္တလေးက မြရည်နန္ဒာ အိမ်ရာက တိုက်ခန်းတွေကို တိုက်ခန်းနံပါတ်တွေ တပ်ထားကြဖို့ စစ်ကောင်စီက လိုက်လံဆော်သြနေပါတယ်။
အဲဒီအိမ်ရာက တိုက်ခန်းတွေကို မနေ့က တစ်ခန်းဝင်တစ်ခန်းထွက် မွေနှောက်ပြီးတဲ့နောက် တစ်ရက်အကြာ ဒီနေ့မှာစစ်ကောင်စီက ဆော်သြတာလည်းဖြစ်ပါတယ်။
” အခုညပိုင်း ကားနဲ့လိုက်အော်နေတာ တိုက်နံပါတ်တွေပြန်ရေးဖို့ဆိုပြီး၊တိုက်အမှတ် ၂၈က ယောကျာ်းလေးတွေအကုန်ဆင်းလို့အော်ပြီး တိုက်နံပါတ်ပြန်ရေးခိုင်းတယ်လို့ပြောတယ်”လို့အိမ်ရာမှာနေသူ အမျိုးသမီးတစ်ဦးကပြောပါတယ်။
အာဏာသိမ်းပြီးနောက်ပိုင်း မှာ စစ်ကောင်စီတပ်ဖွဲ့ဝင်တွေဟာ မြရည်နန္ဒအိမ်ရာဝင်းက တိုက်ခန်းတွေကိုဝင်ရှာတာတွေရှိတာကြောင့်တိုက်ခန်းအများစုက တိုက်ခန်းနံပါတ်တွေကို ဖျက်ထားတာဖြစ်ပါတယ်။
ဒါကြောင့်စစ်ကောင်စီတပ်ဖွဲ့ဝင်တွေ ဝင်ရှာရာမှာ အခက်အခဲတွေလို့ တိုက်အမှတ်တွေပြန်ရေးဖို့ အခုလိုလိုက်လံအော်နေတာပဲဖြစ်ပါတယ်။
ပြီးခဲ့တဲ့အောက်တိုဘာလ ၂၃ ရက် မြရည်နန္ဒာအိမ်ရာအနီး ဘောလုံးကွင်းမှာ တပ်စွဲထားတဲ့ စစ်ကောင်စီတပ်ဖွဲ့တွေရဲ့ လုံခြုံရေးကင်းပေါက်ကွဲမှုဖြစ်ကာ ၁ ဦးသေပြီး ၂ ဦးဒဏ်ရာရသွားပါတယ်။
အဲဒီနောက်မြရည်နန္ဒအိမ်ရာကိုပစ်မှတ်ထားကာ နာရီနဲ့ချီပြီး စစ်ဆေးခဲ့ပါတယ်။