မန္တလေး-မုံရွာကားလမ်းမကြီး၊ စစ်ကိုင်းမြို့နယ် ညောင်ပင်ဝန်းရွာတွင် အကြမ်းဖက်စစ်ကောင်စီက လမ်းပိတ်ထားသည့်အတွက် ကားအစီးရေရာချီပိတ်မိနေကြောင်း ဒေသခံများကပြောသည်။
ယနေ့(အောက်တိုဘာလ ၂၆ရက်)နေ့နံနက် ၈ နာရီဝန်းကျင်မှစတင်ကာ စစ်ကိုင်းမြို့နယ် ညောင်ပင်ဝန်းတိုက်နယ်ရဲစခန်းရှေ့တွင် မန္တလေး-မုံရွာလမ်း ကားလမ်းမကြီးအား ပိတ်ထားလိုက်ကြောင်း၊ မုံရွာဘက်ခြမ်းနှင့် မန္တလေးဘက်ခြမ်းပိတ်မိနေသည့်ကားအစီးရေ နှစ်ရာကျော်ရှိနိုင်ကြောင်း ဒေသခံများက ပြောသည်။
“ဒီကနေ့မနက်အစောပိုင်းကတည်းကပိတ်ထားခဲ့ပါတယ်။ ထီးဆောင်းနဲ့ကံဖျားကြားမှ စစ်ကောင်စီက မိုင်းရှင်းနေတယ်လို့ပြောတယ်။ အိမ်စီးကား ခရီးသည်ကားများကိုလည်း ပိတ်ထားတယ်။ တချို့ကားတွေကတော့ ပြန်လှည့်သွားကြတယ်”ဟု ဒေသခံတစ်ဦးက ပြောသည်။
မုံရွာဘက်ခြမ်းမှလာသည့် ပိတ်မိနေသောကားတန်းသည် မြင်းမူမြို့အနီးတိုးဂိတ်အထိ ရှည်လျားကြောင်း၊ မန္တလေးနှင့် မုံရွာဘက်များမှယာဉ်များ မလာသင့်သေးကြောင်းဒေသခံများကပြောသည်။
Public Service Announcement
အဆိုပါယာဥ်တန်းပိတ်မိနေသော နေရာနှင့်မနီးမဝေးရှိ မြင်းမူ-အရာတော်လမ်းပေါ်တွင် ယခင်ရက်ပိုင်းက စစ်ကောင်စီတပ်ကားများ မိုင်းခွဲခံခဲ့ရဖူးသည်။
ဓါတ်ပုံ – CJ
