ရန်ကုန်မြို့ ပုဇွန်တောင်မြို့နယ်ရှိ ဗုဒ္ဓဘာသာကလျာဏယုဝအသင်း( YMBA)ရုံးချုပ်သို့ ပုံမှန်ထမင်းချိုင့် ပို့ပေးသူ မမျိုးမျိုးဆင့်အား ယနေ့(အောက်တိုဘာ၂၆) နံနက်ပိုင်းတွင် သုတ်သင်ရှင်းလင်းခဲ့သည်ဟု 44st-UG မြို့ပြပြောက်ကြားတပ်ဖွဲ့ က ထုတ်ပြန်သည်။
“ဒီ မနက် ၉ နာရီကျော်လောက်မှာ ရေကျော်စျေးနားမှာ ပစ်သွားတာ။လေးချက်လောက်ရှိတယ်။ သေ၊မသေတော့ မသိဘူး”ဟု ပုဇွန်တောင်မြို့နယ် နေသူတစ်ဦးက ပြောသည်။
သေနတ်ဖြင့် ပစ်ခတ်ခံရသူ မျိုးမျိုးဆင့်သည် ပုဇွန်တောင်မြို့နယ်(၉)ရပ်ကွက်တွင် နေထိုင်ပြီး အကြမ်းဖက်စစ်ကောင်စီသတင်းပေး၍လည်း နာမည်ကြီးသူဖြစ်ကြောင်း ၎င်းက ပြောသည်။
ပုဇွန်တောင်မြို့နယ်အတွင်းရှိ လက်ကျန် စစ်ကောင်စီ သတင်းပေးများအနေဖြင့် အကြမ်းဖက်စစ်တပ်နှင့် ဆက်လက် ပူးပေါင်းဆောင်ရွက်လျင် အသက်အန္တရာယ်ရှိနိုင်သည်ဟုလည်း44st-UG က သတိပေးထားသည်။
Public Service Announcement
လက်ရှိအချိန်၌ အခင်းဖြစ်ပွားရာ ရေကျော်လမ်းမကြီး၊ အထက်ပုဇွန်တောင်လမ်းနှင့် ဗိုလ်ချုပ်လမ်းတို့တွင် အကြမ်းဖက်စစ်ကောင်စီက လမ်းများပိတ်ဆို့၍ စစ်ဆေးနေသည်။
ပုံစာ – ရန်ကုန်မြို့ လမ်းမတစ်ခုပေါ်တွင် စစ်ကောင်စီတပ်သားများကို တွေ့ရစဉ်။
ဓာတ်ပုံ – CJ
