မုံရွာ-မန္တ​လေးလမ်း​ပေါ်တွင် စစ်​ကောင်စီတပ်ကိုနှစ်ကြိမ်မိုင်းခွဲတိုက်ခိုက် ၁၀ဦးခန့်​သေဟု ​​တော်လှန်​ရေးအဖွဲ့များထုတ်ပြန်

စစ်ကိုင်းတိုင်း မြင်းမူမြို့နယ် မုံရွာ-မန္တလေးလမ်းမကြီးပေါ်တွင် အကြမ်းဖက်စစ်ကောင်စီအား ဒေသတွင်း ပြည်သူ့ကာကွယ်ရေးမဟာမိတ်​ခြောက်ဖွဲ့ပေါင်းကာ နှစ်ကြိမ်တိုင်မိုင်းခွဲတိုက်ခိုက်ခဲ့ကြောင်း အဆိုပါအဖွဲ့များက အသိပေးသည်။

ယနေ့( အောက်တိုဘာလ ၂၇ ရက်) နံနက် ၆နာရီဝန်းကျင်ခန့်က မုံရွာမြို့မှ စစ်ကိုင်းသို့ သွားနေသည့် ဘိုးမင်းကြီးကင်းကျေးရွာနှင့် ဂွေးပင်တောကျေးရွာကြားတွင်စစ်ကား ​လေးစီးအား မိုင်းခွဲတိုက်ခိုက်ခဲ့ကြောင်း၊ ထို့အ​ပြင် အလ္လကပ္ပကျေးရွာနှင့် ဝင်းပြည့်ကျေးရွာကြားတွင်လည်း စစ်ကားတစ်စီးအား မိုင်းခွဲတိုက်ခိုက်ခဲ့ကြောင်း၊မိုင်းခွဲတိုက်ခိုက်မှု နှစ်ကြိမ်တွင် စစ်သား ၁၀ဦးခန့် သေဆုံးနိုင်ပြီး အများအပြားထိခိုက်ဒဏ်ရာရကြောင်း ဒေသတွင်းပြည်သူ့ကာကွယ်ရေးမဟာမိတ်အဖွဲ့များက အသိပေးသည်။

မဟာမိတ်အဖွဲ့တွင် မြင်းမူမြို့နယ် Black Eagle Defence Force – MMU အဖွဲ့ဦးဆောင်ပြီး Myin Mu Defence Force ၊ မြင်းမူလျှပ်စီးပြောက်ကျားအဖွဲ့၊ People Defence Force Myinmu_MMPDF ၊ မြောင်မြို့နယ်ပြည်သူ့ကာကွယ်ရေးနှင့်လုံခြုံရေးအဖွဲ-CDSOM နှင့် Myaung Special People’s Defense Force – MSPDF စသည့်အဖွဲ့များ ပါဝင်သည်။

ယနေ့ မိုင်းခွဲတိုက်ခိုက်မှုတွင် Local Pdf ပြည်သူ့ ရဲဘော် တစ်ဦး တစ်ယောက် ဒဏ်ရာရရှိခြင်း၊ ကျဆုံးခြင်းမရှိကြောင်း ၎င်းတို့က အသိပေးသည်။

Public Service Announcement