ဟသ်ာတမြို့တွင် ယမန်နေ့(အောက်တိုဘာ ၂၈)ညဦးပိုင်းတွင်ပြင်းထန်သော ပေါက်ကွဲမှု ဖြစ်ခဲ့ပြီး မြို့နယ်လျှပ်စစ်မန်နေဂျာရုံး(EPC) ဗုံးဖောက်ခွဲခံရခြင်းဟု ဒေသခံများကပြောသည်။
မြို့ပေါ်နှင့် ငါးမိုင်ခန့်အကွာအဝေးရှိ ရပ်ကွက်နှင့် ကျေးရွာများအထိပါ ကြားလိုက်ရသော ပေါက်ကွဲမှုသည် အောက်တိုဘာ ၂၈ရက်ည ၈နာရီခွဲတွင် ဖြစ်ခဲ့ခြင်းဖြစ်သည်။
“EPC ရုံး ဗုံးခွဲခံရတာ။ ခြံစည်းရိုးနားမှာ ထောင်ထားခဲ့တာထင်တယ်။ ပျက်စီးမှုတော့ အသေးစိတ် မသိသေးဘူး”ဟု ဗုံးကွဲသည့် ရပ်ကွက်တွင် နေထိုင်သူတစ်ဦးကပြောသည်။
ဧရာဝတီတိုင်းဒေသကြီးအတွင်း စစ်ကောင်စီအား ခုခံတော်လှန်ရေး ခပ်စိတ်စိတ်ဖြစ်လာပြီး ယမန်နေ့ နံနက်ပိုင်းကလည်း ပုသိမ်မြို့မှ ယာဥ်ထိန်းရဲ နှစ်ဦးနှင့် ဘိုကလေးမြို့မှ ဒလန်တစ်ဦး အသတ်ခံခဲ့ရသည်။
Public Service Announcement
