စစ်ကိုင်းတိုင်း ကသာခရိုင် ထီးချိုင့် နှင့် ဒိုးပင်ကြား၌ အကြမ်းဖက်စစ်ကောင်စီတပ်ကို ပြည်သူ့တော်လှန်ရေးတပ်များက ယနေ့(အောက်တိုဘာလ ၃၁ရက်) နံနက်ပိုင်းတွင် မိုင်းခွဲတိုက်ခဲ့ရာ စစ်သား ၁၀ ဦးထက်မနည်း သေဆုံးခဲ့ကြောင်း Tigyaing Revolution က ထုတ်ပြန် သည်။
ယနေ့ နံနက်၄ေနာရီ အချိန်တွင် စစ်ကြောင်းချီတက်လာသည့် အကြမ်းဖက်စစ်ကောင်စီတပ်အပြားအများကို ထီးချိုင့် PDF နှင့် ပူးပေါင်းမဟာမိတ်အဖွဲ့က မိုင်းသုံးလုံးခွဲ၍ တိုက်ခိုက်ခဲ့သည်။
“မိုင်း၃ လုံးကို တစ်လုံးပြီးတစ်လုံးခွဲပြီးတိုက်ခိုက်ခဲ့တာ လမ်းလျှောက်လာတဲ့သူတွေ ခန့်မှန်း ၁၀ဦးထက်မနည်း သေဆုံးနိုင်ပါတယ် “ဟု PDF တပ်ဖွဲ့ဝင် တစ်ဦးက People’s Springသို့ ပြောသည်။
မိုင်းခွဲတိုက်ခိုက်ခံရပြီးနောက် လက်နက်ကြီးသမားများက မဲဇာတံတား ဒိုးပင်ပေါ်သို့ တက်ရောက်လာခဲ့ရာ PDFများက တံတားကိုမိုင်းခွဲတိုက်ခိုက်ခဲ့၍ စစ်သား အများအပြား ထပ်မံ ထိခိုက်သေဆုံးမှုများရှိနိုင်ကြောင်း ၎င်းက ခန့်မှန်းသည်။
ထို့နောက် အကြမ်းဖက်စစ်ကောင်စီတပ်ဖွဲ့ဝင်များသည် အလောင်းများပုံထားပြီး သေနတ်နှင့် ရမ်းပစ်ခဲ့ကြောင်း နှင့် PDF များမှာ ထိခိုက်မှု မရှိဘဲ ပြန်ဆုတ်ခွာနိုင်ခဲ့သည်ဟု ၎င်းကဆိုသည်။