ဘုရားကျောင်းတွေအပါအဝင် အိမ်ပေါင်း ၁၀၀ ကျော် မီးရှို့ဖျက်ဆီးတာနဲ့ ချင်းပြည်နယ် မှာ စစ်ကောင်စီတပ်ဖွဲ့ဝင်တွေ ရဲ့ လူ့အခွင့်အရေးချိုးဖောက်မှုတွေကိုအမေရိကန်က ကန့်ကွက်ရှုတ်ချလိုက်ပါတယ်။
ပြည်သူလူထုရဲ့ အိုးအိမ်၊ ဝတ်ပြုဆုတောင်းရာ နေရာတွေကို ရက်ရက်စက်စက် လုပ်ပြတဲ့ လုပ်ရပ်နဲ့ မြန်မာပြည်သူတွေရဲ့ အသက်တွေ၊ လူမှုဘဝဖူလုံရေးကို လုံးဝဂရုမစိုက်တဲ့ စစ်အာဏာရှင် ရဲ့လုပ်ရပ် ဖြစ်တယ်လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ကပြောပါတယ်။
ဒီလို စက်ဆုပ်ရွံရှာဖွယ် တိုက်ခိုက်မှုတွေက နိုင်ငံတကာအသိုင်းအဝိုင်းအနေနဲ့ မြန်မာစစ်တပ် ကိုလက်နက်တွေ လွှဲပြောင်းပေးနေမှု ပိတ်ပင်တားဆီးရေးအပါအဝင် ကမ်းကုန်အောင် ရိုင်းစိုင်းတဲ့ လူ့အခွင့်အရေးချိုးဖောက်မှုတွေအတွက် အမြန်ဆုံးအရေးယူဖို့လိုအပ်နေတာကိုမီးမောင်းထိုးပြနေတာလို့ ဆိုပါတယ်။
ဒါအပြင် ချင်းပြည်နယ်နဲ့စစ်ကိုင်းတိုင်း အပါအဝင် နိုင်ငံအတွင်းနေရာအနှံအပြားမှာ စစ်ကောင်စီတပ်ဖွဲ့ဝင်တွေ စစ်ဆင်ရေးအရှိန်မြှင့်တင်နေတာတွေနဲ့ပတ်သက်ပြီး စိုးရိမ်မိတယ်လို့လည်း ပြောထားပါတယ်။
Public Service Announcement
စစ်အာဏာရှင် က မြန်မာပြည်သူတွေအပေါ် ကျုးလွန်ခဲ့တဲ့ ၊ဆက်လက်ကျုးလွန်နေတဲ့ကြောက်မက်ဖွယ်ရာအကြမ်းဖက်မှုတွေအတွက် တာဝန်ယူမှု ၊ တာဝန်ခံမှု ရှိစေဖို့ အတွက် အမေရိကန် အနေနဲ့ ဆက်လက်မြှင့်တင်ဆောင်ရွက်သွားမယ်လို့အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်ကပြောပါတယ်။
