စစ်ကိုင်းတိုင်း၊ မြောင်မြို့နယ်တွင် စစ်ကောင်စီတပ်များသည် ခရီးသည်တင်ကားများကိုအသုံးပြု၍ အင်အားဖြည့်တင်းနေသောကြောင့် ခရီးသည်တင်ကားများ သွားလာခွင့်ကို ရက်အကန့်အသတ်မရှိ တားမြစ်လိုက်ကြောင်း မြောင်မြို့နယ် ပြည်သူ့ကာကွယ်ရေးနှင့်လုံခြုံရေးအဖွဲ့ (CDSOM)ကအသိပေးသည်။
စစ်ကောင်စီသည် ခရီးသည်တင်ကားများဖြင့် မြို့နယ်အတွင်းအင်အားဖြည့်တင်းနေသည်ကို သတိထားမိခဲ့၍ မြို့နယ်အတွင်း ခရီးသည်တင်ကားများ သွားလာခွင့်ကို ရက်အကန့်အသတ်မရှိ တားမြစ်လိုက်ကြောင်း၊ တားမြစ်ထားသည့်ကြားမှ ထွက်ပေါ်လာသောယာဥ်များအား စစ်ကောင်စီထောက်ကူပြုနေသည်ဟုယူဆကာ ချေမှုန်းရေးများကို ဆောင်ရွက်သွားမည်ဖြစ်ကြောင်း မြောင်မြို့နယ် ပြည်သူ့ကာကွယ်ရေးနှင့်လုံခြုံရေးအဖွဲ့က သတိပေးသည်။
မလိုလားအပ်သော ဖြစ်ရပ်များကာကွယ်နိုင်ရန် ပြည်သူများ အရေးပေါ် ခရီးသွားသည့်အခါ အသုံးပြုသောယာဥ်အမျိုးအစား၊ သွားရသည့်အကြောင်းရင်း၊ စသည့်ခိုင်လုံသောအချက်များဖြင့် CDSOM အဖွဲ့သို့အသိပေးကာ သွားလာကြပါရန် ၎င်းအဖွဲ့ကမေတ္တာရပ်ခံသည်။
စစ်ကိုင်းတိုင်း၊ မြောင်မြို့နယ်တွင် စစ်ကောင်စီတပ်အား ဒေသခံ ပြည်သူ့ကာကွယ်ရေးအဖွဲ့များက ပြန်လည်ခုခံတိုက်ခိုက်နေကြသည်။
Public Service Announcement
