ပြည်တွင်းလေကြောင်းခရီးစဉ်တွေအတွက် လိုက်ပါမယ့် ခရီးသည်တွေဟာ ကိုဗစ်ကင်းစင်ကြောင်း ထောက်ခံစာပြရမယ်လို့ စစ်ကောင်စီရဲ့ကျန်းမာရေးဝန်ကြီးဌာနက ထုတ်ပြန်လိုက်ပါတယ်။
လေယာဉ်မထွက်ခွာမီ ၃၆ နာရီအတွင်း သတ်မှတ်ထားတဲ့ နေရာတွေမှာ စစ်ဆေးခဲ့တဲ့ ကိုဗစ်ကင်းကြောင်း ထောက်ခံစာပြရမှာပါ။
ကိုဗစ်စစ်ရမယ့်နေရာတွေကို စစ်ကောင်စီက ဖော်ပြထားရာမှာ ပုဂ္ဂလိက ဆေးရုံတွေ ပါဝင်ပြီး စစ်ဆေးခကတော့ ကျပ်၂သောင်းကျော်ကနေ ကျပ်၃သောင်းကျော်အထိ ကျသင့်တယ်လို့ စုံစမ်းမှုအရသိရပါတယ်။
ပြည်တွင်းလေကြောင်းခရီးစဉ်တွေနဲ့လိုက်ပါမယ့်သူတွေဟာ ကာကွယ်ဆေးထိုးထားရင်လည်း ကိုဗစ်ကင်းကြောင်း စစ်ဆေးထားတဲ့လက်မှတ်ကို ပြသဖို့လိုတယ်လို့လေကြောင်းလိုင်းတွေဆီကသိရပါတယ်။
Public Service Announcement
မန္တလေး − ရန်ကုန် ကို ပြည်တွင်းလေကြောင်း နဲ့ အသွားအပြန် ခရီးသွားခဲ့တဲ့ခရီးသည် တစ်ဦးကတော့ အောက်တိုဘာလ ၃၁ ရက် မှာ စီးချိန်က ကိုဗစ်စစ်ဆေးချက်လည်းမတောင်းသလို ကာကွယ်ဆေးလက်မှတ်လည်းမပြခဲ့ရဘူးလို့ပြောပါတယ်။
